ចិន៖លោក Elon Musk បានក្លាយជាអ្នកមានជាងគេបំផុតនៅលើពិភពលោក ដោយមានទ្រព្យសម្បត្តិសរុបជាង ១៨៥ ពាន់លានដុល្លារអាមេរិក ខណៈCNBC បានរាយការណ៍ពីរឿងរ៉ាវរបស់ខ្លួន ដែលមានចំណងជើងថា Elon Musk ឥឡូវនេះគឺជាអ្នកមានជាង គេបំផុតនៅលើពិភពលោកដោយវ៉ាដាច់លោក Jeff Bezos យោងតាមការចេញផ្សាយពីគេហទំព័រឆៃណាឌៀលី។
បើយោងតាមសារព័ត៌មាន CNBC ថា ការកើនឡើងតម្លៃភាគហ៊ុនរបស់ក្រុមហ៊ុន Tesla បានជួយឲ្យលោក Musk វ៉ាដាច់ Jeff Bezos ដែលជាអ្នកមានបំផុតចាប់តាំងពីឆ្នាំ២០១៧ នាពេលបច្ចុប្បន្នមានទ្រព្យ សម្បត្តិប្រហែល១៨៤ ពាន់លានដុល្លារ។ ភាគហ៊ុនរបស់ក្រុមហ៊ុន Tesla បានបិទកាលពីថ្ងៃព្រហស្បតិ៍នៅ ៨១៦,០៤ ដុល្លារកើនឡើងជិត ៨ ភាគរយ ចំណែកតម្លៃទីផ្សាររបស់ក្រុមហ៊ុនបានកើនឡើងដល់ជាង ៧៦០ ពាន់លានដុល្លារ ។
ការកើនឡើងនៃទ្រព្យសម្បត្តិរបស់ Musk ក្នុងរយៈពេលមួយឆ្នាំចុងក្រោយនេះគឺជាការកើនឡើងលឿនបំផុតដល់កំពូលនៃបញ្ជីអ្នកមាននៅក្នុងប្រវត្តិសាស្រ្ត និងជាការផ្លាស់ប្តូរហិរញ្ញវត្ថុយ៉ាងខ្លាំងសម្រាប់សហគ្រិនដែលមានកេរ្តិ៍ឈ្មោះ។ ស្ថានីយទូរទស្សន៍ CNBC បានរកឃើញថា លោក Musk បានចាប់ផ្តើមនៅឆ្នាំ ២០២០ មានតម្លៃប្រហែល ២៧ ពាន់លានដុល្លារ ហើយស្ទើរតែមិនមាននៅក្នុងចំណោមអ្នកមានបំផុតទាំង ៥០ នាក់។ តម្លៃភាគហ៊ុនកើនឡើងរបស់ក្រុមហ៊ុន Tesla បានកើនឡើងច្រើនជាង៩ដងកាលពីឆ្នាំមុនរួមជាមួយកញ្ចប់ប្រាក់ឈ្នួលដ៏សប្បុរសរបស់លោកបានបន្ថែមច្រើនជាង ១៥០ ពាន់លានដុល្លារដល់ទ្រព្យសម្បត្តិសុទ្ធរបស់លោក។
លោក Elon Musk បានវ៉ាផុត Warren Buffett កាលពីខែកក្កដាដើម្បីក្លាយជាអ្នកមានបំផុតទី ៧ ។ នៅខែវិច្ឆិកាលោក Musk បាននាំមុខលោក Bill Gates ក្លាយជាអ្នកមានបំផុតទី ២ ។ លោក Musk មានទ្រព្យសម្បត្ដិច្រើនជាង ១២ ខែជាងទ្រព្យសម្បត្តិសុទ្ធរបស់លោក Bill Gates ១៣២ ពាន់លានដុល្លារ៕ ដោយ៖លី ភីលីព
