តូក្យូ៖លោក Carlos Ghosn អតីតនាយកប្រតិបត្តិក្រុមហ៊ុនផលិតរថយន្តជប៉ុន បានប្រាប់តុលាការនៅទីក្រុងតូក្យូថា លោក Carlos Ghosn បានបិទបាំងទំហំ នៃសំណងរបស់លោកនៅក្រុមហ៊ុន Nissan ដោយសារតែលោកខ្លាចរដ្ឋាភិបាល បារាំងបង្ខំលោកឲ្យចាកចេញពីក្រុមហ៊ុន Renault ប្រសិនបើរកឃើញថា លោករកបានប៉ុន្មានយោង តាមការចេញផ្សាយពីគេហទំព័រជប៉ុនធូដេ
Hari Nada អតីតអនុប្រធានន Nissan ទទួលបន្ទុកកិច្ចការច្បាប់ គឺជាអ្នកផ្តល់ព័ត៌មានដ៏សំខាន់នៅក្នុងរឿងក្តីដែលនាំដោយព្រះរាជអាជ្ញាជប៉ុនប្រឆាំងនឹង អតីតប្រធាន Nissan និង Renault ត្រូវបានចាប់ខ្លួនក្នុងឆ្នាំ ២០១៨ ។
លោក Nada បានផ្តល់សក្ខីកម្មនៅសវនាការ របស់អតីតនាយក ប្រតិបត្តិក្រុមហ៊ុន Nissan លោក Greg Kelly ត្រូវបានចោទប្រកាន់ពីបទជួយលោក Ghosn ក្នុងការទូទាត់សំណងចំនួន ៩,៣ ពាន់លានយ៉េន (៨៩ លានដុល្លារ) ក្នុងរយៈពេល ៨ ឆ្នាំតាមរយៈ ការបង់ប្រាក់ដោយពន្យារពេលបន្ទាប់ពីប្រទេសជប៉ុន បានដាក់ចេញច្បាប់ថ្មីដែលតម្រូវឲ្យនាយក ប្រតិបត្តិបង្ហាញការបង់ប្រាក់លើសពី ១ ពាន់លានយ៉េន។
លោក Kelly បានសារភាពថា មិនមានកំហុសទេ។ លោកបាននៅក្រៅឃុំនៅប្រទេស ជប៉ុនចាប់តាំងពីគាត់ត្រូវបានដោះលែងពីពន្ធនាគារក្នុងឆ្នាំ ២០១៨ ហើយលោកកំពុងប្រឈមមុខ នឹងការកាត់ក្តីដោយគ្មានលោក Ghosn ដោយសារតែសហជនជាប់ចោទរបស់ លោកបានភៀសខ្លួនទៅប្រទេសលីបង់នៅខែធ្នូឆ្នាំ ២០១៩ ៕ ដោយ៖លី ភីលីព
