អាមេរិក៖ នៅពេលយានអវកាស Apollo 17 វិលត្រឡប់ពីភពព្រះច័ន្ទវិញ ពួកគេបាននាំយកផ្ទាំងថ្មភពព្រះច័ន្ទ ដែលមានអាយុ ៣.៩ ពាន់លានឆ្នាំនាពេលបច្ចុប្បន្នត្រូវបានដាក់បង្ហាញនៅខាងក្នុងការិយាល័យ Oval របស់សេតវិមាន តាមសំណើរបស់រដ្ឋបាល Biden នេះបើយោងតាមការចេញផ្សាយ ពីគេហទំព័រឌៀលីម៉ែល។
ផ្ទាំងថ្មតូចមួយដែលកាន់ដោយកំណាត់ដែក និងព័ទ្ធជុំវិញកញ្ចក់នៅលើធ្នើដាក់សៀវភៅ មានរបស់របរមានគោលបំណងដើម្បីរម្លែកដល់ជនជាតិអាមេរិកអំពីមហិច្ឆតា និងសមិទ្ធិផលរបស់មនុស្សជំនាន់មុន។ អង្គការណាសាបានផ្តល់ប្រាក់កម្ចីពីភពព្រះច័ន្ទតាមសំណើរបស់រដ្ឋបាល Biden ពីភពព្រះច័ន្ទ ដោយមន្ទីរពិសោធន៍គំរូភពព្រះច័ន្ទ នៅមជ្ឈមណ្ឌលអវកាស Johnson របស់អង្គការណាសានៅទីក្រុងHouston។
នៅមូលដ្ឋានគ្រឹះនៃរចនាសម្ពន្ធ័ គឺជាសិលាចារឹកមួយដែលត្រូវបានឧទ្ទិសដល់បុរសទាំង២នាក់ នៃបេសកកម្មយន្តអវកាស Apollo 17 ជាអវកាសយានិកចុងក្រោយរបស់ណាសាដែលដើរឆ្លងកាត់ផ្ទៃភពព្រះច័ន្ទ។ អវកាសយានិក Apollo 17 លោក Ronald Evan និង អ្នកដើរលើភពព្រះច័ន្ទ លោកHarri son Schmitt និងលោក Eugene Cernan ជាមនុស្សចុងក្រោយបានដើរលើព្រះច័ន្ទ។
អ្នកទំាង៣នាក់បានយកគំរូនេះ ពីផ្ទាំងថ្មធំមួយនៅមូលដ្ឋាននៃជើងខាងជើងម៉ាស្កាវ៉ានៅជ្រលងភ្នំ Taurus-Littrow មានចម្ងាយ ៣ គីឡូម៉ែត្រ ពីម៉ូឌុលភពព្រះច័ន្ធ។ ដុំថ្មព្រះច័ន្ទទម្ងន់៣៣២ ក្រាមនេះ (តិចជាងមួយផោន)ត្រូវបានគេប្រមូលនៅឆ្នាំ ១៩៧២ គឺជាគំរូមានអាយុកាល ៣,៩ ពាន់លានឆ្នាំ បានបង្កើតឡើងក្នុងកំឡុងពេល ព្រឹត្តិការណ៍មានឥទ្ធិពលធំចុងក្រោយនៅជិតភពព្រះច័ន្ទ៕
ដោយ៖លី ភីលីព
