គ្រប់គ្នាបានដឹងហើយថា កីឡាករខ្សែប្រយុទ្ធវេលវ័យ៣១ឆ្នាំ Gareth Bale គឺជាកីឡាករសម្រាប់ការប្រកួតប្រជែងធំៗ នៅក្នុងក្រសែភ្នែករបស់លោក Jose Mourinho ដដែលទោះបីជាកីឡាកររូបនេះ មិនទាន់មានទំរង់លេងល្អឡើងវិញក្តី។
អតីតកីឡាករខ្សែបម្រើមាន់ខ្នាយមាស Spurs លោក Gus Poyet បានលើកឡើងថាលោក Jose Mourinho គឺជាគ្រូបង្វឹកដ៏ល្អបំផុតដែលអាចទាញយកទំរង់លេង និងភាពប៉ិនប្រសព្វបំផុតរបស់ Bale ត្រឡប់មកវិញបានហើយក៏ជាមនុស្សម្នាក់ ដែលនៅតែជឿជាក់
ថា កីឡាកររូបនេះនឹងជាកីឡាករដ៏សំខាន់ ក្នុងការប្រកួតដ៏សំខាន់។
ដោយសារបញ្ហារបួស និងមិនសូវបានលេង កាលពីគ្រានៅអេស្បាញ ទើបធ្វើឲ្យកីឡាកររូបនេះ បានត្រឹមបង្ហាញខ្លួន បានតែ១ដងគត់ នៅលីគកំពូលអង់គ្លេសរដូវកាលនេះ និងរកបាន៤គ្រាប់ ក្នុងការបង្ហាញខ្លួនទាំង១៣ដងឲ្យក្លឹប៕
ប្រែសម្រួល៖ស៊ុនលី
