ក្រុមហង្សក្រហម Liverpool បានបន្ដបរាជ័យ ក្នុងដីខ្លួនឯងទៀតហើយ ក្រោមថ្វីជើងក្រុម Manchester City ក្នុងលទ្ធផល ៤-១ នាការប្រកួតពានរង្វាន់ English Premier League ។
ចាញ់ប្រកួតសំខាន់នេះ បានធ្វើឱ្យក្រុម Liverpool កាន់តែឆ្ងាយមែនទែនហើយ ក្នុងការប្រជែងពានរង្វាន់ជាមួយ Man City ដែលកំពុងឈរនៅកំពូលតារាង។ ដោយក្នុងការប្រកួតនៅយប់មិញនេះដែរ គេសង្កេតឃើញថាក្រុម Liverpool ហាក់ដូចជាគ្មានអារម្មណ៍ ក្នុងខ្លួនដើម្បីលេងឡើយ ហើយអ្នកចាំទី Alisson បានបង្កកំហុសហ៊ុចឱ្យ Man City ដល់ទៅ២គ្រាប់ថែមទៀត។
សម្រាប់ទម្រង់លេង របស់ក្រុមហង្សក្រហមបច្ចុប្បន្ននេះ លោក Roy Keane អតីតកីឡាករ Man Utd បាននិយាយថា៖ “អ្នកគឺជា Liverpool Football Club ប្រសិនបើអ្នកនៅតែរក្សាក្បួនលេងបែបនេះទៀត វានឹងត្រូវប្រើពេល៣០ឆ្នាំទៀត មុនពេលអ្នកអាចឈ្នះ លីគកំពូលអង់គ្លេសម្ដងទៀតបាន។ នៅពេលអ្នកឈ្នះពានលីគហើយ អ្នកត្រូវតែធ្វើខ្លួនឱ្យខ្លាំងជាងមុនទៀត ដើម្បីរក្សាវាឱ្យបាន” ៕
