ទីបំផុតកីឡាករ ខ្សែការពារមាឌធំបារាំង Upamecano បានសម្រេចចិត្ត ក្នុងការជ្រើសយកក្លឹបថ្មី ហើយប៉ុន្តែមិនមែនជាហង្សក្រហម Liverpool ឡើយ ។
the Goal ជឿជាក់ថា កីឡាកររបស់ក្លឹប RB Leipzig រូបនេះគឺបានព្រមព្រៀង រួចទៅហើយក្នុងការចូល រួមជាមួយ នឹងក្លឹបយក្សអាល្លឺម៉ង់ Bayern Munich ជំនួសវិញជាមួយនឹងកុងត្រា ដែលមានរយៈ៥ឆ្នាំនិងតម្លៃ ខ្លួនប្រមាណជា៤២,៥លានអ៊ឺរ៉ូ។
គួរឲ្យដឹងដែរថា កីឡាករវ័យ២២ឆ្នាំរូបនេះមានកុងត្រា ជាមួយនឹង RB Leipzig រហូតដល់ឆ្នាំ២០២៣ ប៉ុន្តែកាលពីខែមុនភ្នាក់ងារ របស់កីឡាករបានបញ្ជាក់ថា គាត់អាចមានសិទ្ធក្នុងការជជែក ជាមួយនឹងក្លឹបថ្មីពាក់ព័ន្ធទៅ នឹងការដោះដូរក្លឹប ៕
ប្រែសម្រួល៖ស៊ុនលី
