The Mirrorនៃចក្រភពអង់គ្លេសចេញផ្សាយនៅថ្ងៃពុធទី១៣ខែវិច្ឆិកានេះបានសរសេរថាកីឡាករទាំងឡាយរបស់ក្លឹបបិសាចក្រហមMan Unitedដែលមិនមានជាប់កាតព្វកិច្ចសម្រាប់ជម្រើសជាតិរបស់ខ្លួននោះត្រូវបានក្លឹបបញ្ជូនឲ្យធ្វើការហោះហើរទៅធ្វើការហ្វឹកហាតដល់ទីក្រុងឌុបៃមុនការប្រកួតក្នុងលីកចុងសប្តាហ៍នឹងឈានមកដល់សាជាថ្មី។
ប្រភពដដែលបានសរសេរថាទៀតថាការសម្រាកលំហែផងហ្វឹកហាត់ផងនេះនឹងមានរយៈពេល៣ថ្ងៃមុនការប្រកួតក្នុងលីកជាមួយនឹងក្រុមSheffield Unitedប៉ុន្តែជឿជាក់ថាការធ្វើដំណើរលើកនេះគឺមិនមានវត្តមានរបស់លោកគ្រូបង្វឹកក្លឹបSolskjaerឡើយដោយជឿជាក់ថាលោកកំពុងមានវត្តមាននៅអង់គ្លេសនៅឡើយ។
កីឡាករស្ទើរតែទាំងអស់បានធ្វើដំណើរទៅដល់ទីក្រុងអារ៉ាប់នេះរួចរាល់ហើយខណៈដែលកីឡាករសំខាន់ៗដូចជាRashford, James និងMaguireជាដើមគឺកំពុងបំពេញបេសកកម្មនិងហ្វឹកហាត់ជាមួយនឹងក្រុមជម្រើសជាតិរបស់ពួកគេ៕
ប្រែសម្រួល:ស៊ុនលី
