កីឡាករប្រេស៊ីល ខ្សែប្រយុទ្ធស្លាប របស់ក្លឹប Leeds ម្នាក់កំពុងទាក់ចិត្តក្លឹបធំៗ នៅអង់គ្លេស ជាច្រើនដូចជា Liverpool និង Man UTD ផងប៉ុន្តែកីឡាករបានចេញមក បញ្ជាក់ថា ខ្លួនកំពុងរីករាយ ជាមួយនឹងក្លឹប
បច្ចុប្បន្នមិនទាន់ មានបំណងចង់ចាកចេញ នៅឡើយ។
កីឡាករ Raphinha បច្ចុប្បន្នគឺត្រូវបានគេមើលឃើញថា ពិតជាកំពុងរីករាយមែនទែន ជាមួយនឹងកីឡាដ្ឋាន Elland Road ដែលស្ថិតនៅក្រោមការដឹកនាំ របស់លោក Marcelo Bielsa បន្ទាប់ពីបានឡើងមក
លីគកំពូលជាលើកដំបូង នៅរដូវកាលនេះ។
កីឡាករវ័យ២៤ឆ្នាំ ប្រេស៊ីលរូបនេះ កំពុងមានទំរង់លេងឡើងខ្ពស់ខ្លាំង ចាប់តាំងតែពីបានប្តូរ អាជីព មកលេងនៅ អង់គ្លេស ដំបូងកាលពី ខែតុលា ឆ្នាំ២០២០ពីក្លឹប Rennes របស់បារាំង។ទោះបីជាយ៉ាងណា មកដល់ពេលនេះតម្លៃ
ខ្លួនរបស់កីឡាករ អាចនឹងមានប្រមាណជា១៧លានផោន នៅលើទីផ្សារដោះដូរ៕
ប្រែសម្រួល៖ស៊ុនលី
