អូតាវ៉ា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៧ខែមីនា ឆ្នាំ២០២១ថា គណៈកម្មាធិការពិគ្រោះយោបល់ជាតិ របស់ប្រទេសកាណដា តាមដានលើភាពសុំា ហៅកាត់ថា (NACI) បានប្រកាសកាលពីថ្ងៃអង្គារថា វ៉ាក់សាំងការពារជំងឺកូវីដ១៩ Oxford-AstraZeneca ទាំងប្រសិទ្ធិភាព និងសុវត្ថិភាពដល់ពលរដ្ឋ អាយុលើសពី៦៥ឆ្នាំ ។
គណៈកម្មាធិការ បានឲ្យថា ភស្តុតាងពិតប្រាកដលើពិភពលោក បានបង្ហាញឲ្យឃើញថា វ៉ាក់សាំង គឺមានសុវត្ថិភាព និងប្រសិទ្ធិភាព សម្រាប់មនុស្សវ័យចំណាស់ ដែលជាផ្នែកមួយក្នុងការប្រយុទ្ធប្រឆំាង នឹងជំងឺកូវីដ១៩ និងអ្នកសម្រាកនៅមន្ទីរពេទ្យ ។
ការប្រកាសខុសៗគ្នា បានមកពីការផ្តល់អនុសាសន៍ ដែលបានធ្វើឡើងដោយ NACI ខ្លួនឯងផ្ទាល់ កាលពីថ្ងៃទី០១ ខែមីនា នៅគ្រាដែលក្រុមរបស់ខ្លួន ដែលជាជំនាញការលើវ៉ាក់សាំង បាននិយាយថា AstraZeneca មិនបានផ្តល់ ក្នុងនោះបូករួមទាំង ការផ្តល់ដល់ពលរដ្ឋឲ្យបានគ្រប់គ្រាន់ សម្រាប់វ័យលើសពី៦៥ឆ្នាំ នៅក្នុងការវិនិច្ឆ័យ ចុងក្រោយរបស់ខ្លួន ។
គណៈកម្មាធិការ បានឲ្យដឹងថា “ការសិក្សាអំពីប្រសិទ្ធិភាព ពិតប្រាកដរបស់ពិភពលោក” ចំនួន០៣ ដែលបានជួយក្នុងការផ្តល់ព័ត៌មាន សម្រាប់ការសម្រេច ចិត្តរបស់ខ្លួន ដើម្បីផ្លាស់ប្តូរអនុសាសន៍ ក្នុងនោះរាប់ទំាង ភស្តុតាងចេញ ពីចក្រភពអង់គ្លេស ដែលបានធ្វើការ ចាក់វ៉ាក់សាំង ដល់ពលរដ្ឋដែលមានអាយុ លើសពី៦៥ឆ្នាំ និងវ័យចំណាស់ ចាប់តំាងពីខែមករា ។
យោងតាមអនុសាសន៍ បឋមរបស់ NACI បានដាក់ថា ពលេរដ្ឋដែលមានអាយុលើសពី៦៥ឆ្នាំ គួតែជាអាទិភាពសម្រាប់ប្រើប្រាស់វ៉ាក់សាំង Pfizer-BioNTech និងវ៉ាក់សាំង Moderna ជំនួសវ៉ាក់សាំង AstraZeneca ដោយសារតែ “ព័ត៌មានដែលបានកំណត់លើប្រសិទ្ធិភាពនៃវ៉ាក់សាំងនេះ នៅក្នុងក្រុមមនុស្សដែលមានវ័យនេះ” ។
កាលពីថ្ងៃចន្ទ ប្រទេសអាល្លឺម៉ង់ បារាំង អ៊ីតាលី និងអេស្ប៉ាញ បានរួមគ្នាក្នុងបញ្ជីឈ្មោះ នៃបណ្តាប្រទេសនៅសហភាពអឺរ៉ុប នឹងផ្អាកការប្រើប្រាស់វ៉ាក់សាំង AstraZeneca បន្ទាប់ពីមានរបាយការណ៍ នៃការកកឈាម ពីអ្នកមួយចំនួនដេលបានទទួលការចាក់វ៉ាក់សាំងនេះ ៕
ប្រែសម្រួលដោយ៖ ម៉ៅ បុប្ផាមករា
