កាលពីរដូវក្តៅកន្លងមកគ្រប់គ្នាបានជឿជាក់ថាកីឡាករខ្សែប្រយុទ្ធវេលGareth Baleស្ទើរតែបានផ្លាស់ទៅលេងនៅក្លឹបលីកកំពូលចិនJiangsu Suningពីអេស្បាញក្នុងកុងត្រាដែលអាចទទួលបានកម្រៃរហូតទៅដល់១លានផោនក្នុងមួយសប្តាហ៍ប៉ុន្តែចុងក្រោយត្រូវបានReal Madridបដិសេធតាមរយៈការទាមទារតម្លៃផ្ទេរថ្លៃ។
The Sunsportsនៅថ្ងៃអាទិត្យទី១៧ខែវិច្ឆិកានេះបានសរសេរថាតាមពិតមូលហេតុចុងក្រោយដែលReal Madridបានបដិសេធការផ្ទេរនេះនៅនាទីចុងក្រោយនោះគឺដោយសារតែក្លឹបជឿជាក់ថាMan Unitedនឹងហ៊ានចំណាយច្រើនសម្រាប់កីឡាករខ្សែប្រយុទ្ធរូបនេះឬជម្រើសមួយទៀតគឺការដោះដូរគ្នារវាងកីឡាករគោលដៅរបស់ខ្លួនPaul Pogbaជាមិនខាននៅក្នុងខែមករាឬយ៉ាងយូរណាស់ដល់រដូវក្តៅក្រោយ។
ទាំងReal Madridនិងគ្រូបង្វឹកក្លឹបលោកZidaneជាពិសេសអ្នកគាំទ្រក្លឹបមិនដែលមានបំណងចង់ឲ្យកីឡាករBaleបន្តនៅទីនេះឡើយតាមរយៈការមើលឃើញជាក់ស្តែងសូម្បីទំនាក់ទំនងល្អជាមួយនឹងមិត្តរួមក្លឹបក៏Baleមិនសូវមានឡើយ៕
ប្រែសម្រួល:ស៊ុនលី
