ចិន៖ការបង្ហាញខ្លួនជាលើកដំបូងជាមួយក្រុមចម្រៀងនារីកូរ៉េខាងត្បូង WJSN កាលឆ្នាំ២០១៦របស់ នាង Meng Meiqi ក្រោយមកបានចាប់ផ្តើមសម្ដែងនឹងក្រុមចម្រៀង នារីចិន Rocket Girls 101 សម្រាប់រយៈពេល២ឆ្នាំ ថ្វីត្បិតតែមានអាជីព រីកចម្រើនក៏ដោយ ក៏កេរ្តិ៍ឈ្មោះរបស់តារាស្រីវ័យ ២៣ឆ្នាំរូបនេះត្រូវបានទម្លាយ យ៉ាងខ្លាំងដោយការលាតត្រដាងថា នាងទំនាក់ទំនង ស្នេហាជាមួយផលិតករតន្ត្រី Chen Lingtao ខណៈលោកនៅតែណាត់ ជួបមិត្តស្រីរបស់លោក បើយោងតាមចេញផ្សាយ ផ្លូវការរបស់គេហទំព័រចិន។
នៅពេលរូបថតអេក្រង់នៃសារអត្ថបទចែចង់ របស់នាងត្រូវបានបង្ហាញ នាង Meng Meiqi និងក្រុមហ៊ុនគ្រប់គ្រងរបស់នាង Yuehua Entertainment បានគ្រប់គ្រងការខូចខាតយ៉ាងឆាប់រហ័ស ដោយបញ្ជាក់ថា នាងមិនបានដឹងថា លោក Chen Lingtao មានទំនាក់ទំនងស្នេហាជាមួយគ្នានោះ នាង Meng Meiqi បានលាន់មាត់ថា នាងបានក្លាយជា ភាគីទី៣ដោយមិនដឹងខ្លួន
នៅពេល Yuehua Entertainment បានចេញសេចក្តីថ្លែងការណ៍ ផ្លូវការមួយបានអះអាងថា តារាចម្រៀងរូបនេះកំពុងនៅលីវ អ្នកនិយមលេងអ៊ីនធើណេតបានហៅពួកគេថា ពួកគេនិយាយកុហក។ អ្នកគាំទ្រម្នាក់បានបង្ហាញថា នាង Meng Meiqi បានចំណាយពេល ១៦ យប់ក្នុងបន្ទប់សណ្ឋាគារជាមួយលោក Chen Lingtao កាលពីខែតុលា។
បន្ទាប់ពីរឿងអាស្រូវបោកប្រាស់បានផ្ទុះឡើង លោក Chen Lingtao បានចេញមុខសុំទោសជាសាធារណៈ និងប៉ុនប៉ងធ្វើអត្តឃាត ប៉ុន្តែត្រូវបានអ្នកនិយមលេងអ៊ីនធើណេតរិះគន់ចំពោះ ភាពកម្សាករបស់លោកក្នុងការព្យាយាមយកជីវិតខ្លួនឯង ជាជាងទទួលខុសត្រូវ៕ ដោយ៖លី ភីលីព
