ម៉ូស្គូ ៖ វិមានក្រឹមឡាំង បានបដិសេធការអះអាង ដែលបានធ្វើឡើងនៅក្នុង របាយការណ៍ថ្មីៗនេះ ដោយគេហទំព័រព័ត៌មាន អាមេរិក Politico ស្តីពីការកសាងយោធា របស់រុស្ស៊ីនៅជិតព្រំដែនអ៊ុយក្រែន ដោយលើកឡើងថា ការអះអាងនេះ “មិនសមនឹងការ យកចិត្តទុកដាក់” ។
ប្រព័ន្ធផ្សព្វផ្សាយក្នុងស្រុក បានរាយការណ៍ ដោយដកស្រង់សម្តីអ្នកនាំពាក្យ វិមានក្រឹមឡាំង លោក Dmitry Peskov ថា “គុណភាព នៃការបោះពុម្ពផ្សាយបែបនេះ ធ្វើឱ្យពួកគេមិនមានតម្លៃ ក្នុងការផ្តល់យោបល់ឡើយ ជាទូទៅ មិនត្រូវយកចិត្តទុកដាក់ ចំពោះពួកគេនោះទេ” ។
លោក Peskov បានលើកឡើងថា រូបភាពផ្កាយរណប នៅក្នុងរបាយការណ៍បង្ហាញពីព្រំដែន ជាមួយប្រទេសបេឡារុស្ស ជាជាងអ៊ុយក្រែន ដែលចង្អុលទៅគុណភាពអន់ នៃការបោះពុម្ព នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកបានបន្ថែមថា “រុស្ស៊ី មិនដែលគំរាមកំហែងអ្នកណាម្នាក់ទេ ហើយមិនបង្កការ គំរាមកំហែង ដល់នរណាម្នាក់ទេ ប៉ុន្តែរុស្ស៊ីប្រឆាំង នឹងផ្ទៃខាងក្រោយ នៃនិន្នាការពង្រីកដ៏ខ្លាំងក្លា ជាពិសេសពីណាតូ តែងតែចាត់វិធានការ ហើយនឹងបន្តចាត់វិធានការ ដើម្បីធានាសន្តិសុខផ្ទាល់ខ្លួន” ។
គួរបញ្ជាក់ថា អត្ថបទ Politico កាលពីថ្ងៃច័ន្ទបានយក “រូបថតផ្កាយរណបពាណិជ្ជកម្ម” ដែលអះអាងថារុស្ស៊ីកំពុង “ប្រមូលផ្តុំកងទ័ព និងឧបករណ៍យោធា” នៅតាមព្រំដែនជាមួយអ៊ុយក្រែន ៕
ដោយ ឈូក បូរ៉ា
