អារ៉ាប៊ីសាអូឌីត៖ ទោះបីជាចំណាត់ថ្នាក់របស់ខ្លួន ជាអ្នកនាំចេញប្រេងកំពូល របស់ពិភពលោកក៏ដោយ ក៏អារ៉ាប៊ីសាអូឌីត បានចាប់ផ្តើមធ្វើការលើទីក្រុងវាលខ្សាច់ នាពេលអនាគតដោយគ្មានរថយន្ត និងផ្លូវ ហើយត្រូវបានផ្តល់ថាមពលស្អាត ១០០ភាគរយ ដោយអ្នកស្រុករំពឹងថា នឹងផ្លាស់ទីនៅដើមឆ្នាំ២០២៤ នេះបើយោងតាមការចេញផ្សាយ ពីគេហទំព័រឌៀលីម៉ែល។
ព្រះអង្គម្ចាស់ Mohammed bin Salman បានប្រកាសជាលើកដំបូង នូវផែនការសម្រាប់ The Line ដែលជាតំបន់ទីក្រុងមានប្រវែង១០៥ ម៉ាយតាមបណ្តោយ “ឆ្អឹងខ្នង” ត្រឡប់មកវិញកាលខែមករា នៅក្នុងសុន្ទរកថា តាមទូរទស្សន៍មួយ។ ឥឡូវនេះ ក្រុមហ៊ុនឈូសឆាយ បានចាប់ផ្តើមរំកិលផែនដី និងជីករូងក្រោមដីតាមភ្នំ ដើម្បីដំឡើងស្រទាប់ទាំង៣ របស់ទីក្រុងលីនេអ៊ែរ៖ តំបន់ផ្ទៃសម្រាប់អ្នកថ្មើរជើង បូករួមទាំងស្រទាប់ក្រោមដី ពីរសម្រាប់ការដឹកជញ្ជូន និងហេដ្ឋារចនាសម្ព័ន្ធ។
លោក Nadhmi Al-Nasr នាយកប្រតិបត្តិនៃគម្រោងបានប្រាប់ Bloomberg ដោយប៉ាន់ស្មានថា វាមិនមែនជាកិច្ចការធំដុំទេ ហើយការងារដែលត្រូវការ ដើម្បីរៀបចំផែនការ និងសាងសង់ The Line មិនទាន់រួចរាល់។ ជាជាងសាងសង់ពីចំណុច ចាប់ផ្តើមមួយ និងសាងសង់ចេញ លោក Al-Nasr បានបន្ថែមថា អ្នកអភិវឌ្ឍន៍កំពុងពិចារណា ចាប់ផ្តើមពីចំណុច២ និងការសាងសង់ឆ្ពោះទៅកាន់មជ្ឈមណ្ឌល។
នេះបើតាមការចេញផ្សាយ កាលពីដើមឆ្នាំថា ដោយលាតសន្ធឹងពីភ្នំ នៃភាគពាយ័ព្យអារ៉ាប៊ីសាអូឌីត ទៅកាន់សមុទ្រក្រហម ក្រុមសហគមន៍ប្រមូលផ្តុំរបស់ The Line នឹងផ្ទុកមនុស្សសរុប រហូតដល់១លាននាក់ តភ្ជាប់ដោយការដឹកជញ្ជូន ល្បឿនលឿនជ្រុល និងដំណោះស្រាយចល័តស្វយ័ត។ សាលារៀន ភោជនីយដ្ឋាន ហាង និងគោលដៅផ្សេងទៀតទាំងអស់ នឹងដើរក្នុងរយៈពេលប្រាំនាទី ហើយ ‘មិនធ្វើដំណើរលើសពី ២០ នាទី៕ ដោយ៖លី ភីលីព
