បរទេស ៖ ក្រសួងការពារជាតិ អាមេរិក បាននិយាយនៅក្នុងសេចក្តី ប្រកាសព័ត៌មានមួយថា ក្រុមហ៊ុន Lockheed Martin Corporation បានឈ្នះកិច្ចសន្យា របស់កងទ័ព អាកាសអាមេរិក ដែលមានតម្លៃជាង 10.8 ពាន់លានដុល្លារ ដើម្បីផ្តល់ការពង្រឹង និងនិរន្តរភាព Advanced Raptor សម្រាប់ការិយាល័យកម្មវិធី F-22 ។
យោងតាមសារព័ត៌មាន Sputnik ចេញផ្សាយ នៅថ្ងៃទី៦ ខែវិច្ឆិកា ឆ្នាំ២០២១ បានឱ្យដឹងថា ការចេញផ្សាយបាននិយាយកាលពីថ្ងៃសុក្រថា “សាជីវកម្ម Lockheed Martin រដ្ឋតិចសាស់ ដេញថ្លៃបាន 10,863 ពាន់លានដុល្លារ … កិច្ចសន្យាសម្រាប់ Advanced Raptor Enhancement and Sustainment (ARES) សម្រាប់ការិយាល័យ កម្មវិធី F-22” ។
កិច្ចសន្យាផ្តល់ការគាំទ្រ សម្រាប់ការផ្គត់ផ្គង់ និងសេវាកម្មចាំបាច់ ដើម្បីទ្រទ្រង់ និងធ្វើទំនើបកម្មយន្តហោះ F-22 Raptor រួមទាំងការទិញឧបករណ៍ ផ្នែករឹងទំនើបកម្ម និងសេវាកម្ម ដូចជាការធ្វើឱ្យប្រសើរឡើង ការកែលម្អ និងការជួសជុល ជាដើម។
ការចេញផ្សាយនេះ បានបន្ថែមថា យន្តហោះ F-22 Raptor គឺជាយន្តហោះ ដែលមានកៅអីតែមួយ ម៉ាស៊ីនភ្លោះ យន្តហោះចម្បាំងបំបាំង កាយប្រតិបត្តិការ បានគ្រប់អាកាសធាតុ ដែលត្រូវបានរចនា ជាយន្តហោះដែលមានឧត្តមភាពលើអាកាស ប៉ុន្តែវាក៏អាចវាយប្រហារលើដី ចូលរួមសង្គ្រាមអេឡិចត្រូនិក និងមានចសមត្ថភាពស៊ើប ការណ៍សម្ងាត់ផងដែរ ៕
ប្រែសម្រួលៈ ណៃ តុលា
