សេនហ្វ្រេនស៊ីស្កូ៖ យោងតាមឯកសារបានចុះផ្សាយ ឲ្យដឹងថា នាយកប្រតិបត្តិក្រុមហ៊ុន Apple លោក Tim Cook បានមើលឃើញថា ប័ណ្ណប្រាក់បៀវត្សប្រចាំឆ្នាំ របស់លោកនឹងកើនឡើងដល់ ១១,៦ លានដុល្លារក្នុងឆ្នាំ ២០១៩ បន្ទាប់ពីក្រុមហ៊ុន បានចុះបញ្ជីលទ្ធផលហិរញ្ញវត្ថុខ្សោយ បើប្រៀបធៀបនឹងឆ្នាំមុន យោងតាមការចេញផ្សាយ ពីគេហទំព័រជប៉ុនធូដេ។
លោក Cook ដែលបានយកប្រាក់មកផ្ទះ ចំនួន ១៥,៧ លានដុល្លារក្នុងឆ្នាំ ២០១៨ ត្រូវបានទទួលប្រាក់ខែគោល ៣ លានដុល្លារ បន្ថែមលើប្រាក់រង្វាន់ និងសំណងផ្សេងៗ។ ប្រាក់លើកទឹកចិត្តឆ្នាំ ២០១៩ របស់លោកត្រូវបានផ្សារភ្ជាប់ទៅនឹងមុខងាររបស់ក្រុមហ៊ុន Apple ប្រហែល ៧,៧ លានដុល្លារ ហើយត្រូវបានគណនា ដោយផ្អែកលើការពិតដែលថា ក្រុមហ៊ុន Apple បានលើសគោលដៅ នៃការលក់របស់ខ្លួនត្រឹមតែ ២៨ ភាគរយប៉ុណ្ណោះ ។
ការដាក់ឯកសារនេះ ជាមួយគណៈកម្មការមូលបត្របាននិយាយថា នោះបើប្រៀបធៀបជាមួយ ១២ លានដុល្លារក្នុងឆ្នាំ ២០១៨ ផ្អែកលើក្រុមហ៊ុន ដែលលើសគោលដៅ កំណត់របស់ខ្លួន ១០០ ភាគរយ។ ប្រាក់ខែឆ្នាំ ២០១៩ របស់Cook ក៏ត្រូវបានគេរាយការណ៍ថា នឹងរួមបញ្ចូលអត្ថប្រយោជន៍ ៨៨៥.០០០ ដុល្លារទៀត ដែលភាគច្រើនសម្រាប់សន្តិសុខ និងការប្រើប្រាស់ យន្ដហោះឯកជន ។
ឯកសារនោះបាននិយាយថា សម្រាប់ហេតុផលសុវត្ថិភាព និងប្រសិទ្ធភាពក្រុមប្រឹក្សាភិបាល តម្រូវឲ្យ លោក Cook ប្រើយន្តហោះឯកជនសម្រាប់អាជីវកម្ម និងការធ្វើដំណើរផ្ទាល់ខ្លួន ។ ក្រៅពីប្រាក់ខែរបស់លោក លោក Cook ក៏បានមើលឃើញភាគហ៊ុនរបស់ Apple ចំនួនជាង ១១៣ លានដុល្លារត្រូវបានប្រគល់ជាផ្នែកមួយ នៃសំណងរយៈពេលវែងរបស់លោកក្នុងនាម ជាប្រធានក្រុមហ៊ុន៕ ដោយ៖លី ភីលីព
