ជារៀងរាល់ឆ្នាំនៅក្នុងវេលានេះប្រជាពលរដ្ឋភូមិ Inakadate ក្នុងខេត្ត Aomori របស់ប្រទេសជប៉ុនបានផ្លាស់ប្តូរវាលស្រែរបស់ពួកគេទៅជាផ្ទាំងទស្សនីយភាពសិល្បៈដ៏ល្អអស្ចារ្យ។
និយាយពីរូបភាពសិល្បៈតុក្កតាដែលយកលំនាំតាមតុក្កតា Comic Book របស់ជប៉ុន ដែលឃើញក្នុងវាលស្រែនេះ ដើម្បីធ្វើវាបាន គឺគេជ្រើសរើស ពូជស្រូវខុសៗ គ្នា យកមកដាក់ដាំទៅតាមគំនរប្លង់ ដោយចាប់ផ្ដើមនៅដើមខែមិថុនា។ ប្រហែល ១ ខែក្រោយមក ស្រូវក៏ចាប់ផ្ដើមលូតលាស់យឺត រហូតពេញ រំលេចចេញស្នាដៃសិល្បៈក្នុងស្រែដូចប្រិយមិត្តបានឃើញ។
សម្រាប់ភ្ញៀវទេសចរក្រៅស្រុក ដែលមានបំណងទៅទស្សនារូបភាពសិល្បៈក្នុងស្រែនេះនៅប្រទេសជប៉ុន អាចទៅលេងក្នុងចន្លោះខែកក្កដា ដល់ខែសីហានេះតែម្ដង។
ស្នាដៃសិល្បៈក្នុងស្រែនេះ គឺដើម្បីឧទ្ទិសដល់ការស្លាប់របស់សិល្បករគំនូរតុក្កតា និងជាផលិតករភាពយន្តដ៏ល្បីឈ្មោះ Osamu Tezuka ។ Tezuka កើតនៅឆ្នាំ 1928 និងបានស្លាប់ទៅវិញនៅថ្ងៃទី ១៩ កុម្ភៈ ១៩៨៩ ដោយជំងឺមហារីកក្រពះ។នៅក្នុងជីវិតរបស់លោក លោកបានផលិតខ្សែភាពយន្តល្បីៗជាច្រើនដូចជា “Tetsuwan Atom (Astro Boy)”, “Ribon no Kishi” , “Jungle Taitei” និង “Black Jack” ជាដើម៕ប្រភព៖http://sabay
