តារាចម្រៀងលំដាប់កំពូលប្រចាំសហរដ្ឋអាមេរិក Beyoncé បានបង្ហាញពីសៀវភៅ Virgo Season Yearbook ដោយថែមទាំងបានបញ្ចូលរូបកាលពីតូចរបស់ Jungkook ក្នុងនោះទៀតផង។
ក្នុងសៀវភៅនោះមិនមែនមានតែ Jungkook ទេ ព្រោះថាក៏មានរូបក្មេងៗជាច្រើននាក់ទៀត ដែលបច្ចុប្បន្នសុទ្ធតែជាបុគ្គលល្បីប្រចាំពិភពលោកតាំងពី Jada Pinkett Smith និង Jennifer Hudson។
Yearbook ដែលមានសុទ្ធតែរូបតារាល្បីៗមួយក្បាលនេះ បង្កជាការចាប់អារម្មណ៍ទ្វេដង ដោយសារមានវត្តមានរបស់តារា K-Pop ជនជាតិអាស៊ីគឺ Jungkook។
យ៉ាងណាមិញ សៀវភៅនេះ Beyoncé មានបំណងរៀបរាប់ពីអ្នកដែលជាម្ចាស់តារានិករ Virgo ដែលជាអ្នកពូកែធ្វើការ មានអំណត់ មានគំនិតឆ្លាតវៃ ចេះច្នៃប្រឌិត និងចិត្តល្អ ដែលគុណសម្បតិ្តទាំងនេះ សុទ្ធតែមានក្នុងខ្លួន Jungkook ទាំងអស់។ សារក្នុងសៀវភៅនេះ Beyoncé ក៏បានជូនពរថ្ងៃកំណើតចំពោះអ្នកដែលកើតក្នុងចន្លោះថ្ងៃទី ២២ ខែសីហា ដល់ថ្ងៃទី ២២ ខែកញ្ញា (អ្នកដែលជាតារានិករ Virgo) ទាំងអស់ផងដែរ៕
