កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាចម្រៀង និងសម្ដែងនាង Nana និងតារាសម្ដែងលោក Jang Dong Yoon បានចូលរួមសម្ដែងក្នុងរឿងភាគថ្មី ‘My Man is Cupid’។
រឿង ‘My Man is Cupid’ គ្រោងនឹងចាក់បញ្ចាំងនៅចុងឆ្នាំនេះ បង្ហាញពីរឿងរ៉ាវស្នេហាវិលមុខ របស់ទេពអប្សរ ធ្លាក់ក្នុងអន្លង់ស្នេហ៍ បន្ទាប់ពីត្រូវព្រួញខ្លួនឯង និងនារីដែលជាប់ពាក់ព័ន្ធ ក្នុងរឿងស្នេហារបស់លោក។ ‘My Man is Cupid’ ត្រូវបានគេរំពឹងថានឹងប្រាប់ពីរឿងស្នេហាថ្មី ត្រូវបានបំផុសគំនិតចេញពីគំនិតរូបតំណាងស្នេហា នៅឆ្នាំ ២0២២ នៅប្រទេសកូរ៉េខាងត្បូង ។
លោក Jang Dong Yoon នឹងដើរតួជា Chun Sang Hyuk ជាទេពអប្សរដែលធ្លាក់ក្នុងអន្លង់ស្នេហ៍ បន្ទាប់ពីត្រូវព្រួញដែលខ្លួនបាញ់។ Chun Sang Hyuk គឺជាទេពអប្សរដែលបច្ចុប្បន្ន កំពុងឆ្លងកាត់ការផ្លាស់ប្តូរទី ២៨ របស់លោកនៅលើផែនដី ដើម្បីស្តារស្លាបរបស់លោកត្រូវបាន ដកចេញកាលពី ៥00 ឆ្នាំមុន។ នាង Nana នឹងដើរតួជា Oh Baek Ryun ជើងចាស់ដែលធ្វើការនៅមន្ទីរពេទ្យសត្វចិញ្ចឹម ២៤ ម៉ោង។
Oh Baek Ryun មានរហស្សនាមថា “Jun Ji Hyun នៃ Gugi-dong” ត្រូវបានគេស្គាល់ថា ជាសម្រស់ដ៏អស្ចារ្យរបស់នាង។ បុរសជាច្រើនលង់ស្រលាញ់នាង ប៉ុន្តែពួកគេសុទ្ធតែប្រឈមមុខ នឹងស្ថានភាពជិតស្លាប់ នៅពេល ទំនាក់ទំនងរបស់ពួកគេជាមួយ Oh Baek Ryun ចាប់ផ្តើមរីកចម្រើន ដោយសារតែរឿងនេះ Oh Baek Ryun តែងតែបដិសេធបុរស ដែលលង់ស្នេហ៍នាង។
ផលិតករបាននិយាយថា “My Man is Cupid” គឺជារឿងមនោសញ្ចេតនាបែបស្រមើស្រមៃ ដែលនឹងដើរតួជាអូអាសសម្រាប់អ្នកទស្សនា។ សូមប្រិយមិត្តមេត្តាចាប់អារម្មណ៍លើរឿង ‘My Man is Cupid’ ដែលជារឿងភាគមនោសញ្ចេតនា ដែលអាចចាក់ដោតបេះដូងអ្នកបានក្នុងជីវិតដ៏ក្រៀមក្រំនាថ្ងៃនេះនាឆ្នាំ ២០២២៕ ដោយ៖លី ភីលីព
