អាមេរិក៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា The Power Of The Dog បានយករង្វាន់ធំនៅក្នុងពិធី BAFTAs ជាកន្លែងដែលតារា និងអ្នករៀបចំបានរំលេចសង្គ្រាម ក្នុងប្រទេសអ៊ុយក្រែន ហើយម្ចាស់ផ្ទះ Rebel Wilson បានផ្ញើសារមួយ សម្រាប់លោក Vladimir Putin មេដឹកនាំប្រទេសរុស្ស៊ី ។
នៅពេល Wilson បានធ្វើបានល្អតាមការសន្យារបស់នាង ក្នុងពិធីដែលពោរពេញដោយរឿងកំប្លែង យប់ក៏បានឆ្លុះបញ្ចាំង ពីការបំផ្លិចបំផ្លាញ កំពុងកើតឡើងលើពិភពលោក ជាមួយនឹងប្រធាន BAFTA Krishendu Majumdar ថ្លែងសារពីបណ្ឌិតសភា ភាពយន្តអ៊ុយក្រែន និងតារាល្បីៗមួយចំនួន ប្រើប្រាស់វេទិកានេះ ដើម្បីលើកកម្ពស់ការយល់ដឹង អំពីសង្គ្រាម។
ហើយពិធីករក៏បានឆ្លៀតឱកាស ផ្ញើសារទៅកាន់លោក Putin ដោយលើកម្រាមដៃកណ្តាលរបស់នាង ទៅកាន់កាមេរ៉ានៅក្នុងសុន្ទរកថា ទៅកាន់មេដឹកនាំរុស្ស៊ី នៅពេលនាងនិយាយអំពីការប្រើប្រាស់ភាសាសញ្ញា។ វាជារាត្រីប្រវត្តិសាស្ត្រមួយ ដោយ Troy Kotsur ក្លាយជាតារាសម្តែងគថ្លង់ដំបូងគេ ឈ្នះរង្វាន់ធំ តួសម្តែងគាំទ្រល្អបំផុត សម្រាប់តួនាទី របស់លោកនៅក្នុង CODA ហើយ Jane Campion បានដាក់ឈ្មោះ ជាអ្នកដឹកនាំរឿងល្អបំផុត សម្រាប់ The Power Of The Dog – មានតែស្ត្រីទី៣ប៉ុណ្ណោះ បានឈ្នះពានរង្វាន់នេះ។ ភាពយន្តនេះ ក៏បានជាប់ឈ្មោះ ជាភាពយន្តល្អបំផុតផងដែរ។
នៅកន្លែងផ្សេងទៀត Will Smith បានឈ្នះពានរង្វាន់ BAFTA ដំបូងរបស់លោកសម្រាប់ការសម្ដែង របស់លោកអំពីឪពុករបស់តារាវាយកូនបាល់ Venus និង Serena Williams ក្នុង King Richard ខណៈ Joanna Scanlan ត្រូវបានគេដាក់ឈ្មោះថា ជាតារាសម្តែងល្អបំផុត សម្រាប់ការសម្តែង របស់នាងជាស្ត្រីមេម៉ាយ ដែលរកឃើញអាថ៌កំបាំង ប្តីចុងរបស់នាង នៅក្នុងរឿង After Love ។
លោក Dune ដែលជាអ្នកផលិតរឿង Sci-fi ទទួលបានពានរង្វាន់ចំនួន ៥ ជាពានរង្វាន់ដ៏ធំបំផុត នៃព្រឹត្តិការណ៍នេះ រួមទាំងភាពយន្ត និងការរចនាផលិតកម្ម៕ ដោយ៖លី ភីលីព
