កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាសម្តែង នាង Lee Se Young និងតារាចម្រៀង នាង Eunji សមាជិកក្រុម A Pink បានធ្វើឲ្យអ្នកគាំទ្រ ភ្ញាក់ផ្អើលយ៉ាងខ្លាំងជាមួយនឹងមិត្តភាពរបស់ពួកគេ អស់រយៈពេល៨៧ឆ្នាំ ហើយបានចំណាយពេលជាមួយគ្នា នាពេលថ្មីៗនេះ។
តារាល្បីទាំង២ ទទួលបានការចាប់អារម្មណ៍ នៅពេល Eunji បានបង្ហោះរូបថត២ឬ៣ សន្លឹកនៅលើបណ្តាញផ្សព្បផ្សាយInstagram របស់នាងកាលពីថ្ងៃទី ១៧ ខែមីនា ហើយរូបថតនោះត្រូវបានគេឃើញនាង ឈរថតកាមេរ៉ាជាមួយតារាសម្តែង Lee Se Jung ។
វាហាក់បីដូចជាអ្នកទាំង២ បានចំណាយពេលខ្លះជាមួយគ្នា ហើយហាក់ដូចជាមានពេលវេលាល្អ ខណៈពួកគេថតរូបយ៉ាងសប្បាយរីករាយនៅមុខកាមេរ៉ា ជាពិសេសអ្នកទាំង២ បានទៅទស្សនាការតាំងពិពណ៌ Chagall ដែលទើបនឹងបើកក្នុងទីក្រុងសេអ៊ូល។ នាង Eunji និងនាង Lee Se Young បានជួបគ្នានៅឆ្នាំ ២0១៤ តាមរយៈរឿងភាគ KBS2 ‘Lovers of Music’ ហើយបានបន្តមិត្តភាព មិនផ្លាស់ប្តូររបស់ពួកគេ អស់រយៈពេល ៨ ឆ្នាំ។
អ្នកនិយមលេងអ៊ីនធើណេត និងអ្នកគាំទ្រដែលបានឃើញរូបថតនោះ រំភើបចិត្តពេលឃើញ តារាស្រីទាំង២ដួងនេះម្តងទៀត ហើយបានបញ្ចេញមតិថា ការរួមផ្សំគ្នានេះពិតជាភ្ញាក់ផ្អើលមែន នេះជាការថតពីរសន្លឹកល្អបំផុត អូហូ ជួបគ្នាហើយ ពួកគេបានចំណាយពេលជាមួយគ្នា? មើលទៅល្អ!៕ ដោយ៖លី ភីលីព
