កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាចម្រៀងស្រីកូរ៉េខាងត្បូងនាង CL បានបញ្ចេញរូបភាពគួរឲ្យចាប់អារម្មណ៍ លើគម្របទស្សនាវដ្ដី ‘The WOW’ ដែលធ្វើឲ្យអ្នកគាំទ្រ និងទស្សនិកជនមានកាភ្ញាក់ផ្អើមយ៉ាងខ្លាំង ជាមួយភាពសិចស៊ី។
នាង CL បានបង្ហោះរូបថតជាច្រើនសន្លឹករបស់នាង នៅលើបណ្តាញផ្សព្វផ្សាយសង្គមយក្សអាមេរិក Instagram របស់នាងផ្ទាល់នៅថ្ងៃទី ២២ ជាមួយនឹងចំណងជើងថា “Bathroom Vibes” នឹងភាពសិចស៊ីបញ្ចេញសុដន់ ដ៏មូលក្រំ ឈុតពណ៌ខ្មៅ និងសំពត់ពណ៌បៃតងជាមួយអាវសាច់ ដោយផ្កាយបិទត្រង់ក្បាលសុដន់ ។
ក្នុងរូបថតដែលនាងបានចុះផ្សាយនោះ នាង CL ស្លៀកសម្លៀកបំពាក់ ជាមួយនឹងគំនិតមិនធម្មតា និងហ៊ាន ជាពិសេស នាងCL បានបង្ហាញពីភាពក្លាហានរបស់នាង ដោយដោះអាវរបស់នាងចេញ ហើយបិទបាំងតែផ្នែកសំខាន់ៗ របស់នាងប៉ុណ្ណោះ។
នៅទីនេះ នាងបានទាក់ទាញភ្នែក ដោយការបង្ហាញពីភាពទាក់ទាញ ដ៏ត្រេកត្រអាលរបស់នាង ដូចជាការបង្ហាញពីភាពស៊ិចស៊ីពេលស្លៀកខោខ្លីជាដើម។ នាងមិនត្រឹមតែបង្ហាញពីមន្តស្នេហ៍ របស់នាងប៉ុណ្ណោះទេ ប៉ុន្តែនាងបានបញ្ចេញពន្លឺភ្នែកយ៉ាងខ្លាំង។
ទន្ទឹមនឹងនោះ CL បានចូលរួមក្នុងឆាកនៃកម្មវិធី ‘Sound Money Fest’ ដែលនឹងប្រព្រឹត្តទៅនៅរដ្ឋផ្លរីដា សហរដ្ឋអាមេរិក នៅថ្ងៃទី ៩ ខែមេសា។ នៅថ្ងៃទី ១៥ ខែឧសភា នាងនឹងសម្តែងនៅ ‘We Are One Music + Arts Festival’ ក្នុងរដ្ឋ Texas សហរដ្ឋអាមេរិក៕ ដោយ៖លី ភីលីព
