ថៃ៖ លោក Nawat Itsaragrisil ជាប្រធាន Miss Grand International បានបដិសេធការអះអាងរបស់នាយកនាយកកម្មវិធីប្រកួតរបស់ប្រទេសមីយ៉ាន់ម៉ា លោក Htoo Ant Lwin ក្នុងការលក់ពានដែលឈ្នះក្នុងតម្លៃ ២៥,០០០ដុល្លារអាមេរិក និងគំរាមចាត់វិធានការផ្លូវច្បាប់ យោងតាមការចេញផ្សាយពីគេហទំព័រ VN Express ។
ដកស្រង់ពីកាសែតថៃ Khaosod, Znews បានរាយការណ៍ថា ការផ្សាយផ្ទាល់កាលពីថ្ងៃទី២៦ ខែតុលា លោក Itsaragrisil វ័យ ៥១ឆ្នាំ បានបដិសេធការស្នើសុំលោក Htoo ជាទឹកប្រាក់ចំនួន ២៥,០០០ដុល្លារ ដើម្បីធានាបេក្ខនារីមីយ៉ាន់ម៉ា នាង Thae Su Nyein អាយុ ១៧ឆ្នាំ ជាអ្នកឈ្នះក្នុងកម្មវិធី Miss Popular Vote នៅ MGI ឆ្នាំនេះនៅវគ្គផ្តាច់ព្រ័ត្រ ។ លោក Itsaragrisil បានគំរាមចាត់វិធានការផ្លូវច្បាប់ ប្រសិនបើលោក Htoo អាយុ ២៩ ឆ្នាំមិនបានផ្តល់ភស្តុតាងសម្រាប់ការទាមទាររបស់លោក។
លោក Itsaragrisil បានបន្តថា មនុស្សដូចខ្ញុំមិនខ្វះលុយ ២៥,០០០ដុល្លារទេ ខ្ញុំមិនអើពើនឹងចំនួននោះទេ ប៉ុន្តែនិយាយតាមត្រង់ទៅ តើអ្នកនឹងធ្វើយ៉ាងណាជាមួយវា? វាជាចំនួនតិចណាស់ អ្នកមិនដឹងថា ខ្ញុំមានប៉ុន្មានទេ ព្រោះខ្ញុំមិនដែលអួតពីទ្រព្យសម្បត្តិរបស់ខ្ញុំ។
លោក Itsaragrisil បានរិះគន់លោក Htoo បន្ថែមទៀតចំពោះការបង្ហាញទ្រព្យសម្បត្តិដោយការពាក់គ្រឿងអលង្ការ ខណៈគេរាយការណ៍ថា ខ្វះថវិកាពិតប្រាកដ និងត្រូវការខ្ចីលុយ។ អនុប្រធានក្រុមហ៊ុន MGI លោកស្រី Teresa Chaivisut អាយុ ៤៧ឆ្នាំ បានស្នើសុំឲ្យលោក Htoo បង់ថ្លៃសួយសារសម្រាប់ការទិញសិទ្ធិផ្តាច់មុខ MGI ចំនួន ៣ ដង ប៉ុន្តែលោកត្រូវបានគេរាយការណ៍ថា បានជៀសវាងកាតព្វកិច្ចហិរញ្ញវត្ថុរបស់លោក ដោយសារបញ្ហាទាំងនេះ ទីកន្លែងព្រឹត្តិការណ៍ឆ្នាំ២០២៤ ត្រូវបានផ្លាស់ប្តូរទីតាំងពីប្រទេសមីយ៉ាន់ម៉ាមកកម្ពុជា និងថៃ។
លោក Itsaragrisil បានបញ្ជាក់ថា លោកស្រី Chaivisut បានស្នើឲ្យជំនួសនាយកកម្មវិធីជាតិរបស់ប្រទេសមីយ៉ាន់ម៉ា ប៉ុន្តែលោកបានបញ្ចុះបញ្ចូលលោកស្រីឲ្យរក្សាលោក Htoo ទោះជាយ៉ាងណាពេលនេះលោកបានសម្ដែងការខកចិត្តចំពោះទង្វើរបស់លោក Htoo។
នេះបើយោងតាមកាសែត The Straits Times ថា មុននេះលោក Htoo បានចោទប្រកាន់លោក Itsaragrisil ថា បានទទួលយកប្រាក់ចំនួន ២៥,០០០ដុល្លារអាមេរិក ពីមន្ត្រីរៀបចំការប្រកួតរបស់ប្រទេសឥណ្ឌូនេស៊ីជាថ្នូរនឹងការមកុដ ។
នេះបើយោងតាម ទៅ ABS-CBN News ថា ភាពតានតឹងបានកើនឡើង នៅពេលនាង Thae បានប្រកាសនៅលើ Instagram Live កាលពីថ្ងៃអាទិត្យថា នាងនឹងត្រឡប់មកវិញ បន្ទាប់ពីទទួលបានរង្វាន់ជាជើងឯករងទី ២ កាលពីថ្ងៃមុន ដោយនិយាយថា នាងមានអារម្មណ៍ថា ត្រូវបានគេប្លន់ដោយសារតែមិនបានឈ្នះពានរង្វាន់ពិសេសចំនួន២ គឺ Best in National Costume និង Country’s Power of the Year ៕
