ចិន៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា នាពេលថ្មីៗនេះ តារាសម្តែងស្រីជនជាតិចិន Lisa Wang ម្នាក់បានធ្វើការងារដែលមិន នឹកស្មានដល់របស់អ្នកគាំទ្រ បន្ទាប់ពីឃើញរូបនេះនៅលើឆានែលអាសអាភាស ដើម្បីសងបំណុលទៅវិញ ។
តារាសម្តែងស្រីចិន Lisa Wang បានសកម្មតាំងពីដើមទសវត្សរ៍ឆ្នាំ ២០០០ ហើយថ្មីៗនេះបានបង្ហាញខ្លួនក្នុង ខ្សែភាពយន្ត និងកម្មវិធីទូរទស្សន៍ជាច្រើនទៀត។ ទោះជាយ៉ាងណាក៏ដោយ ក្នុងរយៈពេលជាច្រើនឆ្នាំមកនេះ តារាសម្តែងរូបនេះបានរកឃើញថា ខ្លួននាងជំពាក់បំណុល ដែលបានកើនឡើងបន្ទាប់ពីអាជីវកម្ម របស់មិត្តភក្តិម្នាក់មិនដំណើរ ការដូចការគ្រោងទុក។
យោងតាមលោកស្រី Wang បាននិយាយថា លោកស្រីបានអនុញ្ញាតឲ្យមិត្តភក្តិរបស់នាងប្រើឈ្មោះរបស់នាង ដើម្បីខ្ចីប្រាក់សម្រាប់ភោជនីយដ្ឋានមួយ បន្ទាប់មកបានរត់គេចខ្លួនជាមួយនឹងប្រាក់ជិត ១៥៨,០០០ ដុល្លារអាមេរិក។ បន្ទាប់មក លោកស្រី Wang ត្រូវបានបង្ខំឲ្យទទួលយកបំណុលនោះ ដែលបូករួមទាំងបំណុលរបស់នាងផ្ទាល់ មានចំនួនសរុបជាង ៣១៧,០០០ ដុល្លារអាមេរិក។
នៅថ្ងៃទី ២៥ ខែមេសា តារាសម្តែងរូបនេះបានបង្ហាញខ្លួនក្នុងអំឡុងពេលផ្សាយផ្ទាល់នៅលើប៉ុស្តិ៍ SWAG ជាវេទិកាផ្សាយផ្ទាល់សម្រាប់មនុស្សពេញវ័យធំជាងគេនៅអាស៊ី។ ក្នុងអំឡុងពេលផ្សាយផ្ទាល់ លោកស្រីត្រូវបានម៉ាស្សាដោយតារាសម្តែងប្រុសពេញវ័យម្នាក់ ហើយបានដោះអាវចេញ ដែលនាំឲ្យមានការរអិលដោយចៃដន្យ។
លោកស្រី Wang មិនមានការស្ទាក់ស្ទើរ ក្នុងការបង្ហាញខ្លួននៅលើប៉ុស្តិ៍នោះទេ ដោយនិយាយថា ដើមទ្រូងរបស់ខ្ញុំជារបស់ខ្ញុំ ហើយវាជាសិទ្ធិរបស់ខ្ញុំក្នុងការបង្ហាញវា ទៅកាន់អ្នកណាដែលខ្ញុំចង់។
តារាសម្ដែងរូបនេះធ្លាប់បានថតរូបអាក្រាត កាយកាលពីដើមអាជីពរបស់នាង ដែលទំនងជាធ្វើឲ្យបទពិសោធន៍នេះ កាន់តែងាយស្រួលសម្រាប់នាង។ លោកស្រី Wang ក៏បានចែករម្លែកថា លោកស្រីបានសងបំណុលប្រហែលពាក់កណ្តាលហើយ ហើយមើលទៅដូចជាការបរិច្ចាគក្នុងអំឡុងពេលផ្សាយផ្ទាល់ លោកស្រីនឹងមិនមានពេលយូរទៀតទេដើម្បីសងបំណុលដែលនៅសល់៕
