ប៉ង់តាហ្គោនបញ្ចូនទ័ពរាប់ពាន់នាក់ ទៅមជ្ឈឹមបូព៍ា ខណៈអ៊ីរ៉ង់បញ្ជាក់ថា ទីតាំងអាមេរិក ក្នុងតំបន់៣២កន្លែង គឺជាគោលដៅ វាយប្រហាររបស់ខ្លួន

បរទេស: ក្រោយការសម្លាប់បុរសកំពូលរបស់អ៊ីរ៉ង់ រួចមកកាលពីថ្ងៃសុក្រ មន្ទីរបញ្ចកោណបានអះអាងថា ខ្លួនកំពុងបញ្ជូនកងទ័ពជិត៣០០០នាក់ បន្ថែមទៀត ទៅកាន់មជ្ឈឹមបូព៌ាចេញពីផ្នែក អាកាសទី៨២ដើម្បីឆ្លើយតប ទៅនឹងការគំរាមកំហែង កើនឡើងដល់កងកម្លាំងអាមេរិក នៅក្នុងតំបន់ ។

មន្ត្រីជាន់ខ្ពស់សហរដ្ឋអាមេរិក ដែលនិយាយក្នុងលក្ខខណ្ឌអនាមិក បាននិយាយថាការដាក់ពង្រាយបន្ថែម របស់សហរដ្ឋអាមេរិក ក៏កំពុងត្រូវបានថ្លឹងផងដែរ រួមមានការបញ្ជូនធាតុ នៃកងពលតូចទ័ពអាកាសលេខ១៧៣ ដែលមានមូលដ្ឋាននៅអឺរ៉ុប សម្រាប់កិច្ចការដូចជាកិច្ចការពារ ស្ថានទូតនៅប្រទេសលីបង់ផង។

នៅថ្ងៃសុក្រជាមួយគ្នាមេបញ្ជាការជាន់ខ្ពស់ បានប្រមានថាគោលដៅសំខាន់ចំនួន៣៥រួច ទៅហើយដែលត្រូវបានកំណត់ សម្រាប់ការធ្វើវាយប្រហារ ប្រឆាំងនឹងសហរដ្ឋអាមេរិក បន្ទាប់ពីការធ្វើឃាតឧត្តមសេនីយ៍ កំពូលលោក Qassem Soleimani ។

គួរឲ្យដឹងដែរថាក្នុងចំណោមគោលដៅដែលស្ថិតក្នុងចម្ងាយឆ្ងាយពីអ៊ីរ៉ង់ទាំងអស់ក៏មានដូចជាទីតាំងរបស់នាវាអាមេរិកនៅតាមច្រកសមុទ្រហូមហ្សូសមុទ្រអូម៉ង់និងឈូងសមុទ្រពែរ្សជាដើមផងដែរ៕

ប្រែសម្រួល:ស៊ុនលី