តូក្យូ៖ ប្រទេសជប៉ុន បានបាញ់បង្ហោះកាំជ្រួច ដឹកផ្កាយរណបប្រមូលព័ត៌មានរបស់រដ្ឋាភិបាល ដែលត្រូវបានដាក់ចូលទៅក្នុងតារាវិថី ដោយជោគជ័យ បន្ទាប់ពីការបាញ់បង្ហោះកាលពីលើកមុនជួបនឹងបញ្ហាលេចធ្លាយ បំពង់ផ្គត់ផ្គង់ឧស្ម័នអាសូត។
រ៉ុក្កែតត្រកូល H2A ប្រតិបត្តិការដោយក្រុមហ៊ុន Mitsubishi Heavy Industries Ltd និងទីភ្នាក់ងាររុករកអវកាសជប៉ុន បានបាញ់បង្ហោះចេញពីមជ្ឈមណ្ឌលអវកាស Tanegashima នៅភាគនិរតីនៃតំបន់ Kagoshima នៅម៉ោង ១០ និង ៣៤ នាទី។
វាជាលើកទី ៣៥ ហើយដែលកាំជ្រួចត្រកូល H2A ត្រូវបានបាញ់បង្ហោះដោយជោគជ័យ។ ការបាញ់បង្ហោះដែលត្រូវបានកំណត់កាលពីថ្ងៃទី ២៨ ខែមករា ត្រូវបានរុញថយក្រោយដោយសារតែការលេចធ្លាយបំពង់ ដែលត្រូវបានប្រើដើម្បីផ្គត់ផ្គង់រ៉ុក្កែតជាមួយឧស្ម័នអាសូត៕ ដោយ ឈូក បូរ៉ា
