ឡុងដ៌៖ នាយករដ្ឋមន្រ្តីអង់គ្លេសលោក Boris Johnson ត្រូវបានអនុញ្ញាតឲ្យចាកចេញពី មន្ទីរពេទ្យកណ្តាលទីក្រុងឡុងដ៍ កាលពីថ្ងៃអាទិត្យបន្ទាប់ពីការព្យាបាល អស់រយៈពេលមួយសប្តាហ៍ ចំពោះរោគសញ្ញានៃវីរុសកូវីដ-១៩ ប៉ុន្ដែលោកមិនទាន់ចូល បំពេញការងារនៅឡេីយទេ។
អ្នកនាំពាក្យរបស់នា យករដ្ឋមន្រ្តីបានឲ្យដឹង នៅក្នុងសេចក្តីថ្លែងការណ៍មួយថា លោក Johnson នឹងបន្តការព្យាបាលឲ្យជាសះស្បើយនៅឯទី ជនបទជាផ្លូវការរបស់លោក។
តាមរបាយការណ៍នោះបានឲ្យដឹងថា“ តាមយោបល់របស់ក្រុមគ្រូពេទ្យរបស់លោកនាយករដ្ឋមន្ត្រី នឹងមិនវិលត្រឡប់មកធ្វើការវិញភ្លាមៗទេ” ដោយរដ្ឋមន្រ្តីក្រសួងការបរទេស កំពុងបំពេញតួនាទីជំនួស។
លោក Johnson មានអាយុ ៥៥ ឆ្នាំត្រូវបានគេបញ្ជូនទៅមន្ទីរពេទ្យកាលពីថ្ងៃទី០៥ ខែមេសាបន្ទាប់ពីទទួលរង រោគសញ្ញាជំងឺកូវីដ-១៩ អស់រយៈពេល ១០ ថ្ងៃហើយបានផ្លាស់ទៅ ព្យាបាលដោយយកចិត្តទុកដាក់នៅមួយថ្ងៃក្រោយមក ៕
ដោយ ឈូក បូរ៉ា
