ទីក្រុងឡុងដ៍៖ ក្រុមអ្នកវិទ្យាសាស្ត្រ បានអះអាងថា សកម្មភាពមនុស្ស កំពុងតែបំផ្លាញប្រវត្តិ វិវត្តសត្វរាប់លានប្រភេទ ជាង៥០ពាន់លានឆ្នាំ ដោយការ៉ាបៀន និងផ្នែកខ្លះនៃអាស៊ីអាគ្នេយ៍ រងការវាយប្រហារខ្លាំងបំផុត នេះបើយោងតាមការចេញផ្សាយ ពីគេហទំព័រឌៀលីម៉ែល។
ការសិក្សានេះ ធ្វើឡើងដោយសមាគម Zoological នៃទីក្រុងឡុងដ៍ និងមហាវិទ្យាល័យការវិវត្ត នៃឆ្អឹងកងលើផែនដី រួមទាំងបក្សី និងថនិកសត្វ។ ពួកគេបាននិយាយថា ស្នាមជើងមនុស្ស ដែលកំពុងកើនឡើង ជាមួយនឹងមនុស្សទន្ទ្រាន លើភពផែនដីកាន់តែច្រើន បាននាំឲ្យមានការបំផ្លិចបំផ្លាញ សត្វរាប់លានប្រភេទ និងបេតិកភណ្ឌវិវត្តរបស់ពួកគេ។ ការបាត់បង់សមូហភាព នៃប្រវត្តិវិវត្តពីមនុស្ស រាប់លានប្រភេទផ្សេងៗគ្នា បាននាំឲ្យមានតួលេខ ៥០ ពាន់លានឆ្នាំជិត ៤ ដង នៃអាយុកាលសកលលោក។
ក្រុមអ្នកស្រាវជ្រាវវិទ្យាសាស្ត្រសង្គម នៃទីក្រុងឡុងបាននិយាយថា តំបន់ជាច្រើន ដែលមានចំនួនច្រើនបំផុត នៃប្រវត្ដិសាស្ដ្រ ក្នុងការវិវឌ្ឍន៍ដ៏អស្ចារ្យ កំពុងប្រឈមមុខនឹងសម្ពាធ របស់មនុស្សដែលមិនធ្លាប់មាន។ ទាំងនេះរួមបញ្ចូលទាំងតំបន់ការ៉ាបៀន តំបន់ខាងលិចនៃប្រទេសឥណ្ឌា និងផ្នែកធំនៃអាស៊ីអាគ្នេយ៍។ ពួកគេបានស្វែងយល់ពីរបៀប ដែលតំបន់មានកំហាប់ច្រើនប្រភេទ នៃប្រភេទផ្សេងៗគ្នា និងការគំរាមកំហែង កំពុងត្រូវបានរងផលប៉ះពាល់ ដោយស្នាមជើងមនុស្សកំពុងកើនឡើង។
លោក Dr Rikki Gumbs នៃមហាវិទ្យាល័យ Imperial College London បាននិយាយថា យើងប្រឈមនឹងការខាតបង់ ដែលមិនអាចយល់បាន ប្រសិនបើយើងមិនធ្វើការ ដើម្បីសន្សំជីវចម្រុះពិភពលោក៕ ដោយ៖លី ភីលីព
