ខ្លាលេងសៀក២ក្បាល ត្រូវបានបាញ់សម្លាប់ ក្រោយពីពួកវាបានរត់គេចខ្លួន និងខាំសម្លាប់អ្នកមើលថែរក្សា វានៅចិន ។ ខ្លានេះជារបស់ក្រុមសម្តែងសៀកមួយដែលត្រូវបានជួល ទៅលេងនៅកន្លែងទេសចរណ៍ មួយក្នុងក្រុងណាន់យ៉ាង ក្នុងខេត្តហឺណាន។
(រូបតំណាង)
បុគ្គលិកក្រុមសៀកម្នាក់ បានអោយចំណីខ្លាទាំងនេះ តែវាបានរួចចេញពីទ្រុង និងហក់ខាំអ្នកមើលថែរបស់វា បណ្តាលអោយរបួសធ្ងន់ និងស្លាប់នៅមន្ទីរពេទ្យ។ បន្ទាប់ពីខ្លារួចចេញពីទ្រុង ពួកអ្នកស្រុកបាននាំគ្នាភៀស ខ្លួនហើយអាជ្ញាធរតាមប្រមាញ់។
ការព្យាយាមចាប់វាទាំងរស់មកវិញ បានបរាជ័យនាំអោយអាជ្ញាធរ បង្ខំចិត្តបាញ់ពួកវាងាប់ កាលពីរសៀលថ្ងៃអង្គារទី២៥ ឧសភា ។ ហេតុការណ៍នេះបានកើតឡើងបន្ទាប់ពីខ្លា៣ក្បាល បានរួចពីទ្រុង ដោយ១ក្បាលគេចខ្លួន ដល់សព្វថ្ងៃនៅក្នុងហេតុការណ៍ ផ្សេងមួយទៀត នៅចិនភាគខាងកើត៕ sabay
