មិនមានមនុស្សច្រើនទេ បានដឹងពីប្រវត្តិនិមិត្ត សញ្ញាពេទ្យមាន រូបដំបង, ពស់២ និងស្លាប២ ដែលត្រូវបានប្រើយ៉ាងទូលាយនាពេលបច្ចុប្បន្ន។ អ្វីកាន់តែចាប់អារម្មណ៍ជាងនេះទៀតគឺ ការរើសយកនិមិត្តសញ្ញាខាងលើ មកប្រើគឺកើតចេញពីការ ភ័ន្តច្រឡំប៉ុណ្ណោះ។
អាទិទេព Caduceus មានពស់២ក្បាលរុំជុំវិញ និងស្លាប២ តួនាទីប្រយុទ្ធជាមួយសត្រូវ ដើមចម នៃការកើតមាននិមិត្តសញ្ញាពេទ្យនេះ គឺកាលពីប៉ុន្មានរយឆ្នាំមុន មានគ្រូពេទ្យក្នុងកងទ័ពអាមេរិកម្នាក់ មានបំណងចង់យករូបដំបង របស់អាទិទេពក្រិក សម័យបុរាណឈ្មោះ Asclepius មកធ្វើជានិមិត្តសញ្ញាពេទ្យដោយសារតែអាទិទេព Asclepius គឺជាព្រះនៃការព្យាបាលជំងឺ ។ អាទិទេពនោះមានដៃកាន់ដំបង និងសត្វពស់តែមួយក្បាលរុំជុំវិញ ។
ប៉ុន្តែដោយសារការភ័ន្តច្រឡំ គ្រូពេទ្យអាមេរិករូបនោះ បានយកដំបងអាទិទេពឈ្មោះ Caduceus ដែលមានតួនាទីប្រយុទ្ធជាមួយសត្រូវ មកប្រើជំនួសវិញ។ ដំបងរបស់ Caduceus គឺមានពស់២ក្បាលរុំជុំវិញនិង ស្លាប២ ហើយវាត្រូវបានគេប្រើជា និមិត្តរូបពេទ្យរហូតមក ។ បច្ចុប្បន្នគេក៏ឃើញមានការប្រើដំបងអាទិទេព Asclepius (រូបពស់១) ជានិមិត្តសញ្ញាពេទ្យមកលាយឡំគ្នាដែរ ៕
