អាមេរិក ៖ លោក Elrey “Bud” Runion កំពុងស្វែងរករថយន្ត Ford Mustang ឆ្នាំ ១៩៦៦ ស្រដៀងនឹងរថយន្ត ដែលលោកមានកាលពីឆ្នាំមុន បន្ទាប់ពីត្រឡប់មកពីសង្គ្រាម វៀតណាម លោកបានដាក់ ការផ្សាយ ពាណិជ្ជកម្មនៅលើ Craigslist ដោយសង្ឃឹមថា នឹងទិញរថយន្ត ដើម្បីរម្លឹកមនោសញ្ចេតនា ទៅនឹងអតីតកាលរបស់លោក ។
អ្នកលក់ដ៏មានសក្តានុពលម្នាក់ បាននិយាយថា គាត់មានរថយន្តនេះនៅទីក្រុង McRae ភាគខាងត្បូងរដ្ឋ Georgia ។ លោក Runion បានចូលទៅក្នុងប្រេសិត GMC ពណ៌ស្រាសំប៉ាញ របស់លោកជាមួយប្រពន្ធ របស់លោកខែមិថុនា ហើយបានបើកឡានចម្ងាយជិត ១៨០ ម៉ាយពីផ្ទះរបស់ពួកគេ នៅជាយក្រុងអាត្លង់តា ដើម្បីជួបបុរសនោះ ។
ប៉ូលិសនិយាយថា កាលខែមករា ឆ្នាំ ២០១៥ ជាពេលវេលាចុងក្រោយ ដែលនរណាម្នាក់បានឃើញទាហានជើងចាស់ របស់កងទ័ពសហរដ្ឋអាមេរិកអាយុ ៦៩ ឆ្នាំ និងប្រពន្ធអាយុ ៦៦ ឆ្នាំរបស់លោកនៅរស់ ។
សាកសពរបស់ពួកគេ ត្រូវបានគេរកឃើញប៉ុន្មានថ្ងៃក្រោយ មកក្នុងព្រៃមួយចំនួនពីផ្លូវជនបទមួយនៅទីក្រុង Telfair County ហើយរថយន្ត SUV របស់ពួកគេត្រូវបានគេរកឃើញថា បានលិចក្នុងបឹងក្បែរនោះ ដោយជនរងគ្រោះត្រូវគេបាញ់ចំក្បាល។
លោក Ronnie “Jay” Adrian Towns ជាបុរសដែលពួកគេបានទាក់ទងជាមួយនៅលើ Craigslist និងជាអ្នកស្រុកម្នាក់ត្រូវបានចាប់ខ្លួន និងចោទប្រកាន់ពីបទឃាតកម្មរបស់ប្តីប្រពន្ធនេះ។ ករណីប្រឆាំងនឹង Towns មានការពន្យារពេលជាច្រើន ហើយ ៩ ឆ្នាំក្រោយមក លោកមិនទាន់ត្រូវបានកាត់ទោសនៅឡើយ ប៉ុន្តែអ្នកស៊ើបអង្កេតក្នុងករណីនេះ ទើបមានការភ្ញាក់ផ្អើល ។
ការិយាល័យស៊ើបអង្កេត ហ្សកហ្ស៊ី (GBI) បានប្រកាសនៅសប្តាហ៍នេះថា នរណាម្នាក់បានគាស់ភស្តុតាងថ្មី នៅដើមខែនេះ ពីព្រែកមួយនៅមិនឆ្ងាយ ពីផ្ទះរបស់ Towns រួមទាំងកាំភ្លើងវែង និងកាបូបមួយដែលមាន របស់របរជារបស់គូស្នេហ៍ ៕
ដោយ៖លី ភីលីព
