ប្រសិនអ្នកចាត់ទុកថា សាច់គោល្អសម្រាប់សុខភាព និងអាចបរិភោគពេលណាក៏បាន នោះជាការយល់ច្រឡំធំមួយ ។
អ្នកជំនាញការជីវជាតិឲ្យដឹងថា បើសិនអ្នកបរិភោគសាច់គោជាប្រចាំ នៅពេលយប់នឹងបង្កផលអាក្រក់យ៉ាងច្រើន ចំពោះសុខភាព ។
ពពួកសាច់ក្រហមសុទ្ធតែមានលក្ខណៈពិសេសរួមគឺពិបាករំលាយ ។ នោះជាមូលហេតុដែលវាត្រូវបានចាត់ទុកជាអាហារមិនគួរបរិភោគមុនចូលគេង ឬ នៅពេលយប់ ។
ការស្រាវជ្រាវវិទ្យាសាស្ត្រមួយចំនួន បានបង្ហាញថា បរិភោគសាច់គោច្រើនជាប្រចាំនៅពេលយប់ អាចកើតជំងឺរ៉ាំរ៉ៃមួយចំនួន ពិសេស គឺជំងឺទឹកនោមផ្អែមប្រភេទ២ និងកើនហានិភ័យមហារីកពោះវៀន, ជំងឺ Alzheimer ។
ហើយសាច់គោ ក៏ដូចពពួកសាច់ក្រហមផ្សេងទៀត ត្រូវកាត់បន្ថយចំពោះមនុស្សចាស់ ដោយជំនួសមកវិញនូវសាច់ត្រី និងប្រូតេអ៊ីនរុក្ខជាតិ (សណ្តែក, ល្ង, តៅហ៊ូ,…) ៕
