អាមេរិក៖ នេះបើយោងតាមការសិក្សាមួយ ប្រាប់ឲ្យដឹងថា កម្រិតនៃប្រូតេអ៊ីន ដែលមាននៅក្នុងដុំសាច់ អាចទស្សន៍ទាយពីឱកាសរបស់នរណាម្នាក់ នៃការរស់រានមានជីវិត ពីជំងឺមហារីកសួត និងផ្តល់នូវការព្យាបាលថ្មីមួយ យោងតាមការចេញផ្សាយពីគេហទំព័រស្គាយញ៉ូវ។
អ្នកជំងឺដែលមានកម្រិតខ្ពស់នៃ TLR2 ក្នុងជំងឺមហារីកសួតដំណាក់កាលដំបូង ត្រូវបានគេរកឃើញថា មានអត្រារស់រានមានជីវិតកើនឡើង បើធៀបនឹងអ្នកមានកម្រិតទាប។ សមាសធាតុថ្នាំដែលធ្វើឲ្យសកម្ម TLR2 ក៏ត្រូវបានធ្វើតេស្តិ៍លើសត្វកណ្តុរ និងគ្រប់គ្រងដើម្បីកាត់បន្ថយ ការលូតលាស់ដុំសាច់។
ក្រុមអ្នកស្រាវជ្រាវបាននិយាយថា ការរកឃើញអាចជួយកំណត់អត្តសញ្ញាណជំងឺនេះបានមុន និងធ្វើឲ្យឱកាសរបស់មនុស្សក្នុងការកម្ចាត់ជំងឺនេះ កាន់តែប្រសើរឡើង។ អត្រារស់រានមានជីវិត រយៈពេល៥ឆ្នាំ សម្រាប់ជំងឺមហារីកសួតដំណាក់កាលចុងក្រោយគឺ ៦ ភាគរយ ប៉ុន្តែ៥០ភាគរយនៅពេលរកឃើញមុន។
TLR2 ត្រូវបានផ្សារភ្ជាប់ជាមួយនឹងភាពចាស់ទុំ ដែលកោសិកាបញ្ឈប់ការលូតលាស់ និងសម្ងាត់សារធាតុគីមី និងប្រូតេអ៊ីនផ្សេងទៀតបង្កឲ្យមានសញ្ញាព្រមាន និងការការពារប្រឆាំងនឹងជំងឺមហារីក។ កោសិកា Senescent បង្ហាញក្នុងមហារីកសួតដំណាក់កាលដំបូង ប៉ុន្តែមិនមែនដំណាក់កាលចុងក្រោយទេ បង្ហាញថា ពួកគេការពារការវិវត្តនៃជំងឺនេះ៕ ដោយ៖លី ភីលីព
