ប៉េកាំង៖ អ្នកនាំពាក្យយោធាចិន កាលពីថ្ងៃព្រហស្បតិ៍ម្សិលមិញនេះ បានបដិសេធរាល់ការចោទប្រកាន់ របស់ក្រសួងការពារជាតិ សហរដ្ឋអាមេរិក ចំពោះសមយុទ្ធថ្មីៗនេះ ដែលធ្វើឡើង ដោយយោធាចិន នៅសមុទ្រចិនខាងត្បូង។
អ្នកនាំពាក្យ ក្រសួងការពារជាតិចិន លោក Ren Guoqiang បានលើកឡើងថា ភាគីសហរដ្ឋអាមេរិក បានព្រងើយកន្តើយ នឹងការពិតទាំងស្រុង និងច្រឡំថា ត្រូវនិងអ្វីដែលខុស នៅក្នុងការប៉ុនប៉ង ជំរុញឱ្យមានជម្លោះ រវាងប្រទេសក្នុងតំបន់ និងស្វែងរកប្រាក់ចំណេញពីវា។
នៅពេលឆ្លើយនឹងសំនួរ របស់អ្នកយកព័ត៌មាន អ្នកនាំពាក្យរូបនេះ បានលើកឡើងថា“ យើងមិនពេញចិត្តនឹងវាយ៉ាងខ្លាំង ហើយសម្ដែងការប្រឆាំងរបស់យើង” ។
សមភាគីបានឲ្យដឹងថាភាគីចិន បានប្រកាសសមយុទ្ធ ដែលបានធ្វើនៅសមុទ្រនៅកោះស៊ីសា របស់ប្រទេសចិន នៅថ្ងៃទី ២៧ ខែមិថុនា។ សមយុទ្ធនេះ គឺជាផ្នែកមួយនៃផែនការ បណ្តុះបណ្តាលប្រចាំឆ្នាំ ដែលបានគ្រោងទុក និងមិនបានផ្តោត លើប្រទេសជាក់លាក់ណាមួយឡើយ៕ ដោយ៖ ឈូក បូរ៉ា
