បាងកក ៖ ក្រសួងសុខាភិបាលថៃ នៅតែព្រួយបារម្ភអំពីការឆ្លងជំងឺ Covid-19 នៅមីយ៉ាន់ម៉ា បន្ទាប់ពីការព្យាករណ៍ថា វីរុសនេះអាចទៅដល់ព្រំដែនថៃ – មីយ៉ាន់ម៉ា ក្នុងរយៈពេលពីរសប្តាហ៍ខាងមុខនេះ។
ស្ថានភាពជំងឺឆ្លងនៅក្នុងប្រទេសមីយ៉ាន់ម៉ា មានការព្រួយបារម្ភយ៉ាងខ្លាំង នៅពេលដែលប្រទេសនេះ បានរាយការណ៍ថា មានច្រើនជាង ១០០ ករណីក្នុងមួយថ្ងៃ នៅក្នុងទីក្រុងជាច្រើន។
ប្រភពព័ត៌មានបានឲ្យដឹងថា ជំងឺនេះបានចាប់ផ្តើមរីករាលដាល ពីរដ្ឋរ៉ាក់ឃីន នៅលើឆ្នេរខាងលិច ទៅតំបន់កណ្តាល ហើយបើទោះបីជាចំណុចក្តៅ របស់ជំងឺកូវីដ-១៩ នៅមីយ៉ាន់ម៉ា នៅឆ្ងាយពីប្រទេសថៃ ក៏ដោយ ក៏គេបានព្យាករណ៍ថា វីរុសនេះនឹងរាលដាល ដល់តំបន់ព្រំដែន ក្នុងរយៈពេលពីរសប្តាហ៍ទៀត៕
ដោយ ឈូក បូរ៉ា
