អាមេរិក៖ នេះបើយោងតាម អង្គការអវកាសណាសា បាននិយាយថា អវកាសយានិក នៅលើស្ថានីយ៍ អវកាសអន្តរជាតិ ទីបំផុតបានរកឃើញ ប្រភពនៃការលេចធ្លាយខ្យល់ ដែលត្រូវបានរកឃើញ ជាលើកដំបូង កាលពីមួយឆ្នាំមុន ក្នុងខែកញ្ញា ឆ្នាំ ២០១៩ ហើយ នេះបើយោងតាមការចេញផ្សាយ ពីគេហទំព័រឌៀលីម៉ែល ។
សមាជិកក្រុមនាវិក ISS ៣នាក់ ត្រូវបានភ្ញាក់ នៅពាក់កណ្តាលអធ្រាត្រ កាលពីថ្ងៃច័ន្ទ ដោយការត្រួតពិនិត្យ និង ស្វែងរកប្រភព នៃការលេចធ្លាយនេះ ខណៈវាហាក់ដូចជា កំពុងកើនឡើងយ៉ាងឆាប់រហ័ស។ ពួកគេបានបិទម្តងមួយៗ ហើយប្រើឧបករណ៍ ចាប់លេចធ្លាយ ultrasonic ដើម្បីប្រមូលទិន្នន័យ ទីបំផុតបញ្ជាក់ពី ការលេចធ្លាយ ទៅម៉ូឌុលសេវាកម្ម Zvezda ។
ទីតាំងពិតប្រាកដ នៃការលេចធ្លាយ នៅក្នុងម៉ូឌុលរុស្ស៊ី នៅតែមិនទាន់ត្រូវបានគេរកឃើញ នៅឡើយទេ ប៉ុន្តែអង្គការណាសា និយាយថា វាពិតជាមិនមាន ការរីកចម្រើនទេ ហើយមិនបង្កគ្រោះថ្នាក់ ដល់នាវិកឡើយ។ ម៉ូឌុល Zvezda គឺជាផ្នែកសំខាន់ នៃស្ថានីយ៍ពាក់កណ្តាល នៃប្រទេសរុស្ស៊ី ព្រោះវាផ្តល់ផ្នែក ជាមួយអុកស៊ីសែន និងទឹកដែលអាចផឹកបាន។ វាក៏មានកន្លែងដុសខាត់ឧស្ម័ន CO2 រួមមានបន្ទប់ដេក បន្ទប់ទឹក និងបន្ទប់ទទួលទាន អាហារ សម្រាប់អវកាសយានិករុស្ស៊ី។
អង្គការណាសា បានបញ្ជាក់ថា ការត្រួតពិនិត្យ ការលេចធ្លាយ ពីមុនបានច្រានចោល ផ្នែកអាមេរិក នៃស្ថានីយ៍រួមទាំង ម៉ូឌុលអឺរ៉ុប និងជប៉ុន ដែលស្ថិតនៅក្នុងតំបន់អាមេរិក។
អវកាសយានិកណាសា និងមេបញ្ជាការស្ថានីយ៍ លោក Chris Cassidy និងអ្នកអវកាស Roscosmos លោក Anatoly Ivanishin និងលោក Ivan Vagner ត្រូវបានគេដាស់តឿន ឲ្យធ្វើការស្វែងរក ការលេចធ្លាយខ្យល់។ វាបានបង្ហាញថា ការលេចធ្លាយខ្យល់ ពិតប្រាកដមិនបានកើនឡើង នៅក្នុងទំហំដូចការភ័យខ្លាច ដំបូងឡើយ ប៉ុន្តែផ្ទុយទៅវិញ វាត្រូវបានគេធ្វើឲ្យ លេចចេញពីលើដី ដោយសារតែការផ្លាស់ប្តូរ សីតុណ្ហភាពបណ្តោះអាសន្ន៕
ដោយ៖លី ភីលីព
