ប៉េកាំង ៖ អ្នកនាំពាក្យក្រសួង ការបរទេសចិន កាលពីថ្ងៃសុក្រ បានស្តីបន្ទោសរដ្ឋបាលលោក ដូណាល់ ត្រាំ ចំពោះការចុះបញ្ជីខ្មៅ ក្រុមហ៊ុនចិនមួយចំនួន ដោយមានទំនាក់ទំនងយោធា ដែលត្រូវបានចោទប្រកាន់ ដែលលោកបានលើកឡើងថា បានបង្ហាញពិភពលោកថា ការសម្លុត គឺជាអ្វី ។
អ្នកនាំពាក្យលោក Zhao Lijian បានប្រាប់សន្និសីទសារព័ត៌មានថា ប្រទេសចិន បានប្រឆាំងយ៉ាងដាច់ខាត ចំពោះការដាក់ទណ្ឌកម្មម្តង ហើយម្តងទៀតរបស់សហរដ្ឋអាមេរិក ប្រឆាំងនឹងក្រុមហ៊ុនចិន ដោយបន្ថែមថា ការផ្លាស់ប្តូរនេះ បានប្រឆាំងនឹងនិន្នាការ នៃពេលវេលា និងគោលការណ៍ នៃការប្រកួតប្រជែងទីផ្សារ និងច្បាប់ពាណិជ្ជកម្មអន្តរជាតិ របស់សហរដ្ឋអាមេរិក ។
លោកបានលើកឡើងថា សកម្មភាពរបស់សហរដ្ឋអាមេរិក បានជ្រៀតជ្រែកដល់កិច្ចសហប្រតិបត្តិការ សេដ្ឋកិច្ច ពាណិជ្ជកម្ម និងវិនិយោគធម្មតា រវាងប្រទេសទាំងពីរ និងធ្វើឱ្យអន្តរាយដល់ទំនុកចិត្ត របស់ក្រុមហ៊ុនបរទេស ក្នុងការវិនិយោគ និងប្រតិបត្តិការនៅសហរដ្ឋអាមេរិក ដែលនៅទីបំផុត នឹងបង្កផលប៉ះពាល់ដល់ផល ប្រយោជន៍របស់ក្រុមហ៊ុន និងវិនិយោគិនអាមេរិក ។
ដោយលើកឡើងពីការពិត ដែលថា ក្រុមហ៊ុនពហុជាតិធំៗ ជាច្រើនរបស់សហរដ្ឋអាមេរិក គឺជាលទ្ធផល នៃការលាយបញ្ចូលគ្នារវាងយោធា និងស៊ីវិល លោក Zhao បានបន្ដថារដ្ឋបាលលោក ត្រាំ បានបង្ហាញជាថ្មីម្តងទៀតដល់ពិភពលោកនូវអ្វីដែលឯកតោភាគីនិយមស្តង់ដារទ្វេ និងការសម្លុតគំរាមកំហែង៕
ដោយ ឈូក បូរ៉ា
