ទីក្រុងប៉េកាំង ៖ យោងតាម Sigmaintell Consulting បានឲ្យដឹងថា ក្រុមហ៊ុនស្រាវជ្រាវទីផ្សារ មានមូលដ្ឋាននៅទីក្រុងប៉េកាំង បានមើលឃើញការដឹកជញ្ជូនស្មាតហ្វូន បត់បាននៅទូទាំងពិភពលោក ត្រូវបានគេរំពឹងថា នឹងកើនឡើង១៧៣ ភាគរយនៅឆ្នាំនេះ ដល់ប្រមាណ ១១ លានគ្រឿង យោងតាមការចេញផ្សាយ ពីគេហទំព័រឆៃណាឌៀលី។
លោក Chen Jun អនុប្រធាន និងជាអ្នកវិភាគប្រចាំក្រុមហ៊ុន Sigmaintell មានប្រសាសន៍ថា ប្រហែលជា៩លានគ្រឿង នឹងត្រូវបានផលិតចេញពីក្រុមហ៊ុនបច្ចេកវិទ្យាកូរ៉េខាងត្បូង Samsung Electr onics ហើយប្រមាណ២លានគ្រឿង នឹងភាគច្រើនមកពីក្រុមហ៊ុនផលិតរបស់ចិន ។
ក្រុមហ៊ុនស្រាវជ្រាវក៏បាននិយាយថា ការនាំចេញស្មាតហ្វូនដែលមានសមត្ថភាព 5G នៅប្រទេសចិនត្រូវបានគេរំពឹងថា នឹងកើនឡើង ៧០ ភាគរយដល់ ២៦០ លានគ្រឿងនៅឆ្នាំនេះ ជាមួយនឹងអត្រាអ្នកប្រើប្រាស់ ៧៤ ភាគរយ។
លោក Chen បានបន្តថា ការនាំចេញស្មាតហ្វូនបត់នៅទូទាំងពិភពលោក គ្រោងនឹងមើលឃើញពីការរីកចម្រើន យ៉ាងឆាប់រហ័សក្នុងរយៈពេលប៉ុន្មានឆ្នាំខាងមុខ ហើយតួលេខនេះនឹងឈានដល់ ៧៤ លានគ្រឿងនៅឆ្នាំ ២០២៥ ពីជិត ៤ លានគ្រឿងក្នុងឆ្នាំ ២០២០ ។ លោករំពឹងថា តម្លៃស្មាតហ្វូនបត់អាចនឹងធ្លាក់ចុះដល់តិចជាង ១០,០០០ យ័ន (១,៥៤៦ ដុល្លារ) ក្នុងមួយឆ្នាំៗ ព្រោះថា អ្នកប្រើក្នុងស្រុកសំខាន់ៗដូចជា Oppo, Vivo និង Xiaomi នឹងលោតឡើងលើស្មាតហ្វូនបត់អាចបត់បាន។ Googleក៏ត្រូវបានគេដាក់ឲ្យប្រើនូវស្មាតហ្វូនបត់នៅឆ្នាំនេះផងដែរ។
យោងតាម Sigmaintell ថា ស្មាតហ្វូនបែបនេះអាចត្រូវបានប្រើជាថេប្លេត ឬជាស្មាតហ្វូនមានទំហំប៉ុនហោប៉ៅ។ ការនាំចេញស្មាតហ្វូន 5G ទូទាំងពិភពលោកនឹងកើនឡើងដល់ ៥៥០ លានគ្រឿងនៅឆ្នាំនេះពីចំនួន ២៣០ លានគ្រឿងកាលពីឆ្នាំមុន។
យោងតាមទិន្នន័យចុងក្រោយ ពីបណ្ឌិត្យសភាពត៌មាន និងបច្ចេកវិទ្យាគមនាគមន៍ចិនបានឲ្យដឹងថា ស្មាតហ្វូន 5G ចំនួន ១៦៣ លានគ្រឿងត្រូវបានដឹកជញ្ជូននៅក្នុង ប្រទេសចិនកាលពីឆ្នាំមុន ហើយម៉ូដែល 5G ថ្មីចំនួន ២១៨ ត្រូវបានដាក់លក់៕ ដោយ៖លី ភីលីព
