អូស្រ្តាលី ៖ អូស្រ្តាលី បានអនុម័ត ច្បាប់ពិភពលោកដំបូងបង្អស់ ដែលត្រូវបានបង្កើតឡើង ដើម្បីធ្វើឲ្យក្រុមហ៊ុន បច្ចេកវិទ្យាយក្ស សហរដ្ឋអាមេរិក Facebook និង Google បង់ថ្លៃដល់ប្រព័ន្ធផ្សព្វផ្សាយ សម្រាប់ការបង្ហោះមាតិកា ព័ត៌មានរបស់ពួកគេ នេះបើយោងតាមការចេញ ផ្សាយពីគេហទំព័រឌៀលីម៉ែល ។
សេចក្ដីព្រាងច្បាប់នេះ បានអនុម័តលើព្រឹទ្ធសភា ដោយមានការគាំទ្រទ្វេភាគី បន្ទាប់ពីអ្នកនយោបាយ បានព្រមព្រៀងគ្នា លុបចោលធាតុសំខាន់ៗ នៃច្បាប់ បន្ទាប់ពី Facebook បានរារាំងខ្លឹមសារព័ត៌មាន ។ រដ្ឋមន្រ្តីបានចាត់ទុកការ ផ្លាស់ប្តូរនេះថា ជាជ័យជម្នះលើក្រុមហ៊ុន យក្សបច្ចេកវិទ្យា ដោយនិយាយថា ការបិទផ្លូវរបស់ Facebook នឹងត្រូវបញ្ចប់ នៅថ្ងៃសុក្រ ហើយឥឡូវនេះទាំង Facebook និង Google កំពុងចុះហត្ថលេខាលើ កិច្ចព្រមព្រៀង ដែលមានតម្លៃរាប់លានដុល្លារ ជាមួយអ្នកចេញផ្សាយព័ត៌មាន ។
ប៉ុន្តែក្រុមអ្នករិះគន់និយាយថា អូស្រ្តាលីបានធ្វើច្បាប់ ដោយដកយកច្បាប់នេះចេញ ហើយប្រគល់ឲ្យក្រុមហ៊ុន បច្ចេកវិទ្យាជាន់ខ្ពស់ ក្នុងការចរចានៅពេលច្បាប់នេះត្រូវបានគេសន្មត់ថា ធ្វើឲ្យប្រសើរឡើងវិញ ។ ការផ្លាស់ប្តូរនេះក៏បានកំណត់ នូវគំរូអន្តរជាតិមួយ ដែលបណ្តាប្រទេសធ្វើសេចក្តី ព្រាងច្បាប់របស់ខ្លួន ដូចជាចក្រភព អង់គ្លេស សហរដ្ឋអាមេរិក និងបណ្តាប្រទេសជា សមាជិកសហភាពអ៊ឺរ៉ុប នឹងមានការលំបាក ក្នុងការធ្វើដំណើរទៅមុខទៀត ។
ការផ្លាស់ប្តូរនេះផ្តល់ ឲ្យក្រុមហ៊ុនបច្ចេកវិទ្យា នូវពេលវេលាបន្ថែមទៀត ដើម្បីចរចាកិច្ចព្រមព្រៀង ជាមួយអ្នកចេញ ផ្សាយ និងអនុញ្ញាតឲ្យពួក គេបដិសេធច្បាប់ ប្រសិនបើពួកគេចូលរួមវិភាគទាន យ៉ាងសំខាន់ដល់សារព័ត៌មាន ដោយប្រគល់ប្រាក់គ្រប់គ្រាន់ ។ Facebook ក៏អះអាងផងដែរថា រដ្ឋមន្រ្តីបានផ្តល់ ការធានាថា គេហទំព័រនេះ នឹងអាចជ្រើសរើសអ្នកណា ដែលខ្លួនទិញព័ត៌មានពីការ ធ្វើឲ្យចុះខ្សោយនៃជំហរចរចា របស់ក្រុមហ៊ុន ប្រព័ន្ធផ្សព្វផ្សាយ ៕ ដោយ៖លី ភីលីព
