ព័ត៌មានអន្តរជាតិ

អ្នកវិទ្យាសាស្ត្រ រកឃើញសារធាតុគីមី ៥៥ ក្នុងឈាមរបស់ស្ត្រី មានផ្ទៃពោះ និងកូនៗ ខណៈគ្រឿង សម្អាងរួមជាមួយ សមាសធាតុអាថ៌កំបាំង៤២

អាមេរិក ៖ អ្នកវិទ្យាសាស្ត្រអាមេរិក បានរកឃើញសារធាតុគីមីចំនួន ១០៩ សម្រាប់ការស្រាវជ្រាវ លើស្ត្រីមានផ្ទៃពោះចំនួន ៣០ នាក់ក្នុងនោះមាន ៥៥ នាក់មិន ឃើញនៅក្នុងខ្លួនមនុស្ស និង៤២ សារធាតុគីមីអាថ៌កំបាំង គ្មានប្រភព ឬការប្រើប្រាស់ ត្រូវបានគេស្គាល់ នេះបើយោងតាមការចេញ ផ្សាយពីគេហទំព័រ ឌៀលីម៉ែល ។

សារធាតុទំាងនេះត្រូវបានគេជឿជាក់ថា រាល់សារធាតុគីមីទាំង ៩៦ មាននៅក្នុងខ្លួនតាំង ពីយូរយារណាស់មកហើយ ប៉ុន្តែពេលនេះ ត្រូវបានគេរកឃើញ តាមរយៈការប្រើប្រាស់ អេឡិចត្រូម៉ិចទ័រ មានគុណភាព បង្ហាញខ្ពស់ ដែលជាបច្ចេកវិទ្យាអាចចូលដំណើរ ការបានក្នុងរយៈពេល តែមួយទសវត្ស ចុងក្រោយនេះ ។

ក្រុមមួយនៅសាកលវិទ្យាល័យ កាលីហ្វ័រញ៉ា សាន់ហ្វ្រាន់ស៊ីស្កូ (UCSF) បានសង្កេតឃើញ សារធាតុគីមីនៅក្នុងឈាម របស់ស្ត្រីក៏ដូចជាទារក ទើបនឹងកើតរបស់ពួកគេ បានបង្ហាញថា ពួកគេកំពុងធ្វើដំណើរឆ្លង កាត់សុករបស់ម្តាយ ។ ទោះបីជាសារធាតុគីមី មិនត្រូវបានគេដឹងក៏ដោយ ក៏អ្នកស្រាវជ្រាវសង្ស័យថា វាទំនងជាមកពីផលិតផល ប្រើប្រាស់ដូចជាគ្រឿងសម្អាង និង ប្លាស្ទិក ។
អេឡិចត្រូម៉ាញេទិក ដែលមានគុណភាពបង្ហាញខ្ពស់ (HRMS) ត្រូវបានបង្កើតឡើង ដំបូងប្រហែល ៥០ ឆ្នាំហើយ ប៉ុន្តែវាទើបតែក្នុងរយៈពេល១០ ឆ្នាំចុងក្រោយទេ អាចធ្វើទៅបានសម្រាប់ សហគមន៍វិទ្យាសាស្ត្រ ។ របាយការណ៍មេកានិច ពេញនិយម ថា ឧបករណ៍ដ៏មាន អានុភាពនេះមានសមត្ថភាព វិភាគលើសារធាតុសរីរាង្គ រលាយដោយប៉ះ វាដោយធ្នឹម ពន្លឺចាំងតាមគំរូ ហើយបំបែកវាទៅជាបំណែកផ្សេងៗគ្នា ដោយផ្អែកលើភាគល្អិត៕ ដោយ៖លី ភីលីព

Most Popular

To Top