អាមេរិក៖ ការសិក្សាមួយបានព្រមានថា ផ្ទាំងទឹកកកអង់តាក់ទិក អាចបង្កជាការដួលរលំនៃខ្សែសង្វាក់ ប្រតិកម្មនៅពេលដែលទឹកកក រលាយបញ្ចោញដី នៅពីក្រោមដែលធ្វើឲ្យកម្តៅតិច ត្រូវបានឆ្លុះបញ្ចាំង ហើយបណ្តាលឲ្យសីតុណ្ហភាព កើនឡើងបន្ថែមទៀត និងលំនាំអាកាសធាតុ ត្រូវបានផ្លាស់ប្តូរ។
ក្រុមអ្នកស្រាវជ្រាវ បានប្រើប្រាស់គំរូអាកាសធាតុ និងទិន្នន័យសម្រាប់រយៈពេលមជ្ឈឹម Miocene ដែលមានអាយុពី ១៣ ទៅ ១៧ លានឆ្នាំមុន នៅពេលកម្រិតកាបូនឌីអុកស៊ីត និងសីតុណ្ហភាព ពិភពលោកស្រដៀងនឹងអ្វី ដែលបានរំពឹងទុក នៅចុងសតវត្សរ៍ទី ២១ ។ ពួកគេបានរកឃើញថា ផ្ទាំងទឹកកកអង់តាក់ទិក មិនមានស្ថេរភាពជាងអតីតកាល ដូចអ្វីដែលបានគិតពីមុនឡើយ។
ប្រសិនបើផ្ទាំងទឹកកក ប្រែជាមិនស្ថិតស្ថេរ វាកាន់តែពិបាកសម្រាប់ ការធ្វើកំណែទម្រង់ ហើយនៅទីបំផុតអាចនឹងដួលរលំ ជាពិសេសប្រសិនបើអាកាសធាតុ នៅតែក្តៅ។ ការស្រាវជ្រាវត្រូវបានចេញផ្សាយ នៅក្នុងទស្សនាវដ្តី ជីវសាស្រ្តធម្មជាតិ បង្ហាញថា ប្រសិនបើសីតុណ្ហភាពពិភពលោក នៅតែបន្តកើនឡើងនោះផ្ទាំងទឹកកក អាចផ្តល់ផ្លូវដល់ដីនៅពីក្រោមវា។
នេះនឹងនាំឲ្យមាន សីតុណ្ហភាពខ្ពស់ជាងមុន និងបរិមាណទឹកភ្លៀង កាន់តែច្រើន នៅក្នុងតំបន់ដែលបណ្តាលឲ្យ បាត់បង់ទឹកកកកាន់តែខ្លាំង។ សាស្ត្រាចារ្យដឹកនាំ ការសិក្សានៅសកលវិទ្យាល័យ Exeter សាស្ត្រាចារ្យបណ្ឌិត Catherine Bradshaw បាននិយាយថា នៅពេលផ្ទាំងទឹកកក រលាយផ្ទៃដីដែលលាតសន្ធឹង នៅពីក្រោម គឺមិនសូវមានពន្លឺទេ ហើយសីតុណ្ហភាព ក្នុងតំបន់កាន់តែក្តៅទៅៗ៕ ដោយ៖លី ភីលីព
