បរទេស៖ អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានកាលពីថ្ងៃសៅរ៍ថា ទីក្រុងមូស្គូនឹងមិនចាកចេញពីការសម្រេចចិត្តដ៏មានសក្ដានុពលរបស់សហរដ្ឋអាមេរិកក្នុងការប្រគល់ទ្រព្យសម្បត្តិដែលជាប់គាំងរបស់ខ្លួនទៅឱ្យអ៊ុយក្រែនដោយគ្មានចម្លើយនោះទេ។ សម្ដីរបស់លោក Dmitry Peskov នេះ គឺបានកើតឡើងបន្ទាប់ពីសភាអាមេរិកបានបំភ្លឺការផ្ទេរប្រាក់ដ៏មានសក្តានុពល។
យោងតាមសារព័ត៌មាន RT ចេញផ្សាយនៅថ្ងៃទី២០ ខែមេសា ឆ្នាំ២០២៤ បានឱ្យដឹងថា មន្ត្រីរុស្ស៊ីបាននិយាយដោយសំដៅទៅលើការរឹបអូសដែលអាចមានសក្តានុពលថា “អាមេរិកនឹងត្រូវចំណាយសម្រាប់រឿងនេះ ប្រសិនបើវាពិតជាដូច្នេះមែន” ។ ទីក្រុងមូស្គូមិនបានកំណត់ពេលវេលាសម្រាប់ការឆ្លើយតបទៅនឹងសកម្មភាពរបស់ទីក្រុងវ៉ាស៊ីនតោននោះទេ ដោយលោកបានបន្ថែមថា រុស្ស៊ីនឹងកែសម្រួលការឆ្លើយតបរបស់ខ្លួនដើម្បី “បម្រើផលប្រយោជន៍របស់យើងតាមមធ្យោបាយដែលអាចធ្វើទៅបាន” ។
អ្នកនាំពាក្យវិមានក្រឹមឡាំងរូបនេះ បានព្រមានថា សហរដ្ឋអាមេរិកនឹងធ្វើឱ្យខ្លួនឯងឈឺចាប់ ប្រសិនបើអាមេរិកដំណើរការជាមួយផែនការបែបនេះ។ លោកបានបន្តថា ការរឹបអូសទ្រព្យសម្បត្តិរបស់រុស្ស៊ីធ្វើឲ្យប៉ះពាល់ដល់គោលការណ៍ «ការរំលោភបំពានលើឯកជន… និងទ្រព្យសម្បត្តិរដ្ឋ»។
លោក Peskov ជឿថា ទង្វើបែបនេះនឹងជំរុញឱ្យអ្នកវិនិយោគជាច្រើនដកប្រាក់ពីសហរដ្ឋអាមេរិក ហើយបង្កឱ្យមាន “ការខូចខាតដែលមិនអាចជួសជុលបានចំពោះមុខមាត់របស់សហរដ្ឋអាមេរិក”។
លោក Peskov មិនបានបញ្ជាក់លម្អិតអំពីវិធានការជាក់លាក់ណាដែលក្រុងម៉ូស្គូអាចចាត់វិធានការឆ្លើយតបទៅនឹងការរឹបអូសទ្រព្យសម្បត្តិរបស់ខ្លួន៕ប្រែសម្រួល: ណៃ តុលា
