កាលពីថ្ងៃអាទិត្យ ទី ២៧ ខែមិថុនា ឆ្នាំ២០២១ ប្រទេសឥណ្ឌូនេស៊ី បានកត់ត្រាការកើនឡើង នូវចំនួនអ្នកឆ្លងកូវីដ-១៩ ប្រចាំថ្ងៃដ៏ច្រើនបំផុតរបស់ខ្លួន ដោយមាន ២១០៩៥ ករណី ។ ចំនួនអ្នកឆ្លងសរុបនៅក្នុងប្រទេស កាន់សាសនាឥស្លាមមួយនេះ កើនឡើងដល់ ២លាននាក់ជាង ។ នេះបើយោងតាមទិន្នន័យ ពីក្រសួងសុខាភិបាល របស់ប្រទេសនេះ។
ទិន្នន័យបានបង្ហាញថា មានប្រជាជន ៣៥៨ នាក់បានស្លាប់បន្ថែមទៀត ដោយសារវីរុសកូវីដ-១៩ ដែលធ្វើឱ្យចំនួនអ្នកស្លាប់ សរុបមាន ច្រើនជាង ៥ម៉ឺននាក់ ។ ប្រទេសឥណ្ឌូណេស៊ី មានករណីមនុស្សស្លាប់ ដោយសារវីរុសកូវីដ ច្រើនជាងគេបំផុត នៅក្នុងតំបន់ អាស៊ីអាគ្នេយ៍។
ករណីឆ្លង នៅក្នុងប្រទេសឥណ្ឌូនេស៊ី បានកើនឡើង យ៉ាងខ្លាំងនៅក្នុងរយៈពេលប៉ុន្មានសប្តាហ៍ថ្មីៗនេះ បន្ទាប់ពីមនុស្ស រាប់លាននាក់ បានធ្វើដំណើរនៅចុង ខែបញ្ចប់នៃ បុណ្យរ៉ាម៉ាដាន ក្នុងខែឧសភាកន្លងទៅ ៕
