បរទេស ៖ ទីបញ្ជាការកណ្ដាល របស់សហរដ្ឋអាមេរិក នៅពេលថ្មីៗនេះ បានប្រកាសថា ជាង៩០ភាគរយ នៃកងទ័ព សហរដ្ឋអាមេរិក ត្រូវបានដកចេញ ពីប្រទេស អាហ្វហ្គានីស្ថាន នេះបើយោងតាមសេចក្តី រាយការណ៍មួយ ចេញផ្សាយដោយទីភ្នាក់ងារ សារព័ត៌មាន UPI នៅថ្ងៃទី០៧ ខែកក្កដា ឆ្នាំ២០២១ ។
នៅក្នុងសេចក្តីប្រកាសព័ត៌មានមួយ ទីបញ្ជាការ កណ្ដាលអាមេរិក បានធ្វើការកត់សម្គាល់ថា ការដកទ័ពដែលគ្រោងទុក នឹងធ្វើតាមកាលកំណត់ និងនិយាយយ៉ាងដូច្នេះថា “ទីបញ្ជាការកណ្ដាល សហរដ្ឋអាមេរិក បានធ្វើការ ប៉ាន់ស្មានថា យើងបានបញ្ចប់ដំណើរ ការដកកងទ័ព បានចំនួនជាង៩០ភាគរយ នៃចំនួនសរុបហើយ” ។
គួរបញ្ជាក់ថា ការធ្វើបច្ចុប្បន្នភាព ចុងក្រោយបំផុត ស្តីពីការដកកងទ័ព សហរដ្ឋអាមេរិក ចេញពីប្រទេសអាហ្វហ្គានីស្ថាន បង្ហាញឲ្យឃើញនៅត្រឹមថ្ងៃទី០៥ ខែកក្កដាថា ការដកទ័ពដែលបានគ្រោងទុក កំពុងតែប្រព្រឹត្តទៅ ។
សហរដ្ឋអាមេរិក ត្រូវបានគេរំពឹងថា នឹងដកទ័ពទាំងស្រុងចេញ ពីអាហ្វហ្គានីស្ថាននៅត្រឹមចុងខែកក្កដា ហើយសម្ភារៈប្រមាណ ៩៨៤យន្តហោះ C-17 ត្រូវបានដឹកចេញពីអាហ្វហ្គានីស្ថាន ស្របពេលដែលអាមេរិក ត្រៀមរៀបចំប្រតិបត្តិការសម្រាប់ភាពល្អ ៕ ប្រែសម្រួល៖ប៉ាង កុង
