បរទេស៖ យោងតាមការប្រកាស ដោយក្រសួងការពារជាតិ នៃប្រទេសប៉ូឡូញបានឲ្យដឹងថា យន្តហោះចម្បាំងរបស់អាមេរិក F-15 ចំនួន៨គ្រឿងទៀត បានធ្វើដំណើរមកដល់ប្រទេសរបស់ខ្លួនហើយ ក្នុងពេលដែលភាពតានតឹង ជាមួយនឹងយោធារបស់រុស្ស៊ី ក្បែរព្រំដែនអ៊ុយក្រែន។
ការប្រកាសបានបញ្ជាក់ដែរថា៖ យន្តហោះចម្បាំងរបស់អាមេរិក ទាំង៨គ្រឿងបានចុះចត ដល់ទឹកដីប៉ូឡូញនៅថ្ងៃនេះ ហើយវានឹងត្រូវចូលរួមជាមួយ នឹងក្រុមយន្តហោះផ្សេងទៀត ដែលបានធ្វើដំណើរ មកដល់ប្រទេសប៉ូឡូញ កាលពីសប្តាហ៍មុននោះផងដែរ។
ទោះបីជាយ៉ាងណាក្តីភ្លាមៗ នៅមិនទាន់មានការបញ្ជាក់បន្ថែម និងលំអិតអំពីកញ្ចប់សព្វាវុធលើកនេះទេ ពីសំណាក់មេបញ្ជាការយោធាអាមេរិក ប្រចាំនៅតំបន់អឺរ៉ុប ជាពិសេស គឺមិនមានព័ត៌មានបញ្ជាក់ថា យន្តហោះទាំងនេះ បានធ្វើការហោះហើរ មកពីទីតាំងណាមួយនោះដែរ។
យន្តហោះទាំងនេះនឹងត្រូវចូលរួម ជាមួយនឹងយន្តហោះផ្សេងទៀត ដែលគេមិនទាន់បានដឹងចំនួនច្បាស់ នៅឡើយទេជាយន្តហោះ ដែលអាមេរិកបានបញ្ជូនមកដល់ ប្រទេសប៉ូឡូញ តាំងតែពីសប្តាហ៍មុន ដើម្បីចូលរួមនៅក្នុងអង្គភាព កងទ័ពអាកាសរបស់ប៉ូឡូញ៕ ប្រែសម្រួល៖ស៊ុនលី
