បរទេស ៖ ក្រសួងការពារជាតិចិន កាលពីថ្ងៃពុធម្សិលមិញនេះ បានប្រកាសថា កងកម្លាំងយោធា នៃប្រទេសចិននឹង ស្ថិតនៅក្នុងចំណោម អ្នកចូលរួមបរទេស ទាំងអស់នៅក្នុង សមយុទ្ធយោធា ដ៏ធំមួយជាមួយនឹងប្រទេសរុស្សី ដែលត្រូវបានគេដាក់ ឈ្មោះថា Vostok 2022 ។
ក្រសួងបានបញ្ជាក់ទៀតថា កងទ័ពចិននឹងត្រូវបញ្ចូន ទៅកាន់ប្រទេសរុស្សី ដើម្បីបង្កើនកិច្ចសហប្រតិបត្តិការ រវាងយោធាជាមួយនឹងរុស្សី និងក៏ដូចជាបណ្តាយោធា ប្រទេសផ្សេងទៀត ដែលបានចូលរួមក្នុង ព្រឹត្តិការណ៍នេះផងដែរ។
Vostok 2022 តាមផែនការ នឹងត្រូវចាប់ផ្តើមឡើង នៅតាមទីតាំងចំនួន១៣កន្លែង នៅភាគខាងកើតប្រទេសរុស្សី ចាប់ពីចន្លោះថ្ងៃទី៣០ ខែសីហាដល់ថ្ងៃទី៥ ខែកញ្ញា ហើយកងកម្លាំងបរទេសជាច្រើន ត្រូវបានអញ្ជើញឲ្យចូលរួមទោះបី ជាមិនបានបញ្ជាក់ព័ត៌មាន លំអិតក្តី។
ទោះបីជាយ៉ាងណា ក្តីសេចក្តីថ្លែង ការណ៍របស់ចិនអំពីការ ចូលរួមសមយុទ្ធយោធាលើកនេះ ក៏បានលើកឡើងផងដែរ ប្រទេសផ្សេងទៀត ដែលនឹងមានវត្តមាននោះ គឺអាចមានដូចជាយោធា របស់ប្រទេស បេឡារូសប្រទេស ឥណ្ឌាប្រទេសម៉ាហ្គាលី និងប្រទេសតាជីគីស្ថាន ជាដើម៕
ប្រែសម្រួល៖ស៊ុនលី
