អង់គ្លេស ៖ ការសិក្សាស្រាវជ្រាវរកឃើញថា ការជំរុញអេកូដើម្បីបង្កើត ថាមពលបៃតង នឹងមិនធ្វើឲ្យអ្នកចំណាយ ច្រើនឡើយ ប៉ុន្តែការបំបែកប្រព័ន្ធ ថាមពលនាឆ្នាំ ២០៥០ នឹងអាចជួយឲ្យយើងសង្គ្រោះពិភពលោក បានយ៉ាងងាយស្រួល ហើយយ៉ាងហោចណាស់ ក៏ត្រូវចំណាយថវិកាអស់ ១២ ពាន់ពាន់លានដុល្លារ ដែរ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការស្រាវជ្រាវរបស់សាកលវិទ្យាល័យ Oxford ក៏បង្ហាញពី សេណារីយ៉ូឈ្នះ-ឈ្នះ ក្នុងនោះការផ្លាស់ប្តូរយ៉ាង ឆាប់រហ័ស ទៅថាមពលស្អាតនាំឲ្យតម្លៃប្រព័ន្ធ ថាមពលទាបជាង ប្រព័ន្ធឥន្ធនៈហ្វូស៊ីល ខណៈ ផ្តល់ថាមពល កាន់តែច្រើន ដល់សេដ្ឋកិច្ចពិភពលោក ។ នេះនឹងជួយពង្រីកលទ្ធភាព ទទួលបានថាមពល ដល់មនុស្សកាន់តែច្រើន នៅជុំវិញពិភពលោក ។
ចំណែកសេណារីយ៉ូការ ផ្លាស់ប្តូរលឿននៃការសិក្សាបង្ហាញ ពីអនាគតជាក់ស្តែង សម្រាប់ប្រព័ន្ធថាមពលគ្មាន ហ្វូស៊ីលនៅត្រឹមឆ្នាំ ២០៥០ ដោយផ្តល់សេវា ថាមពល ៥៥ ភាគរយនៅទូទាំង ពិភពលោកជាងថ្ងៃនេះ។ វានឹងសម្រេចបានដោយការបង្កើន ថាមពលព្រះអាទិត្យ ខ្យល់ អាគុយ រថយន្តអគ្គិសនី និងឥន្ធនៈស្អាតដូចជា អ៊ីដ្រូសែន ពណ៌បៃតង ។
ការសិក្សាពីមុនបានអះអាងថា ការសម្រេចបាននូវការបំភាយកាបូនសុទ្ធត្រឹមឆ្នាំ ២០៥០ មិនអាចទៅរួចទេបើគ្មានការរំខាន ដល់សេដ្ឋកិច្ចពិភពលោក។ អតីតនាយករដ្ឋមន្ត្រី Boris Johnson បានប្តេជ្ញាថានឹងសម្រេចបាននូវការបំភាយកាបូន សូន្យសុទ្ធនៅឆ្នាំ ២០៥០ ជាគោលដៅ ដែលអាចចំណាយអស់ ១.៤ លានលានផោន ។
រដ្ឋាភិបាលបានព្រមានពីមុនថា គ្រួសារនឹងចំណាយច្រើនដល់ទៅ៤00 ផោនក្នុងមួយឆ្នាំក្នុងមួយគ្រួសារ តាមរយៈការផ្លាស់ប្តូរឡចំហាយឧស្ម័ន និងប្តូរទៅប្រើរថយន្តអគ្គិសនី ក្នុងចំណោមរបស់ផ្សេងទៀត។ការសន្យានេះបានធ្វើឲ្យមានការខឹងសម្បារ ក្នុងរង្វង់របស់លោក Tory ជាមួយនឹងសមាជិកសភាព្រមានថាការចំណាយបន្ថែមនឹង ប៉ះពាល់ដល់អ្នករកប្រាក់ចំណូលទាបស្ថិត ក្នុងកម្រិតក្រហម មានការបោះឆ្នោតអភិរក្សនិយម។
ទោះបីជាយ៉ាងណាក៏ដោយ ទាំងចក្រភពអង់គ្លេស និងហ្វាំងឡង់ បានបង្ហាញថា វាអាចកាត់បន្ថយការបំភាយឧស្ម័ន ខណៈកំណើនសេដ្ឋកិច្ចរបស់ពួកគេ ដោយទាំង២បានបង្ហាញ ឲ្យឃើញពីបញ្ហានេះពីឆ្នាំ ២០១០ ដល់ឆ្នាំ ២០១៦ ៕ដោយ៖លី ភីលីព
