ប៉ាស៊ីហ្វិកខាងត្បូង ៖ក្រុមអ្នកវិទ្យាសាស្ត្របានបញ្ជាក់ថា ការផ្ទុះភ្នំភ្លើងក្រោមទឹកតុងហ្គា បានបង្កើត ជាដុំកំភួនខ្ពស់បំផុត មិនធ្លាប់មាន ក្នុងកំណត់ត្រា ដែលឡើងដល់កម្ពស់ ៥៧ គីឡូម៉ែត្រ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ភ្នំភ្លើងHunga Tonga-Hunga Ha’apai ដែលជាភ្នំភ្លើងក្រោមទឹក នៅប៉ាស៊ីហ្វិកខាងត្បូង បានបញ្ចេញពពកផេះ ដែលមានកម្ពស់ ៥៧ គីឡូម៉ែត្រ។ ការផ្ទុះដ៏ធំរបស់វានៅថ្ងៃទី ១៥ ខែមករាឆ្នាំនេះ ក៏ជាការកត់ត្រាជាលើកដំបូង ដែលបានបំបែកចូលទៅក្នុងស្រទាប់ទី៣ នៃបរិយាកាសដោយផ្សែងចំហេះ។
ផ្សែងចំហេះចាប់ផ្តើមប្រហែល ៤៨ គីឡូម៉ែត្រ) ពីលើយើង ហើយជាកន្លែង ដែលអាចម៍ផ្កាយឆ្លងកាត់ចាប់ផ្តើមឆេះ និង បង្កើតជាផ្កាយបាញ់។
អ្នកស្រាវជ្រាវមក ពីសាកលវិទ្យាល័យ Oxford និង RAL Space បានប្រើផ្កាយរណបអាកាសធាតុភូមិសាស្ត្រចំនួន៣ ដើម្បីវាស់ស្ទង់កម្ពស់ លម្អដ៏ធំបានយ៉ាងត្រឹមត្រូវ ។
ម្ចាស់កំណត់ត្រាពីមុនគឺការផ្ទុះភ្នំភ្លើង Pinatubo កាលឆ្នាំ ១៩៩១នៅប្រទេសហ្វីលីពីនបានបណ្តាលឲ្យមានការធ្លាក់ចុះត្រូវបានគេកត់ត្រាថាមានកម្ពស់ ៤០ គីឡូម៉ែត្រ។ លោកវេជ្ជបណ្ឌិត Simon Proud ជាអ្នកដឹកនាំ បាននិយាយថា វាជាលទ្ធផលដ៏អស្ចារ្យមួយ ដូចដែលយើងមិនធ្លាប់ ឃើញពពកប្រភេទណាមួយ ដែលមានកម្ពស់ខ្ពស់នេះពីមុនមក ។
លើសពីនេះ សមត្ថភាពក្នុងការប៉ាន់ ប្រមាណកម្ពស់តាមវិធីដែលយើងបានធ្វើ ដោយប្រើវិធីសាស្ត្រប៉ារ៉ាឡិច គឺអាចធ្វើទៅបានតែឥឡូវនេះ យើងមានបណ្តាញផ្កាយរណបល្អ ។ការផ្ទុះភ្នំភ្លើង Hunga Tonga-Hunga Ha’apai បានកើតឡើងនៅមហាសមុទ្រប៉ាស៊ីហ្វិកភាគខាងត្បូង ចម្ងាយប្រហែល ៦៥ គីឡូម៉ែត្រ ពីកោះសំខាន់របស់តុងហ្គា។
