បរទេស ៖ អ្នកជំនាញមួយរូបបានប្រាប់កាសែត Newsweek ថា ការអត្ថាធិប្បាយរបស់ប្រធានាធិបតី បេឡារុស្សលោក Alexander Lukashenko ដែលលោកនឹង បញ្ជាកងទ័ពរបស់លោក ឱ្យប្រយុទ្ធជាមួយរុស្ស៊ី បន្ទាប់ពីការវាយប្រហារ លើទឹកដីបេឡារុស្ស គឺមានបំណងជាសញ្ញាដល់លោកខាងលិច និងវិមានក្រឹមឡាំង ។
លោក Lukashenko ត្រូវបានឡើងកាន់អំណាច ដោយលោក វ្ល៉ាឌីមៀ ពូទីន បន្ទាប់ពីការបោះឆ្នោតដែលមានជម្លោះក្នុងឆ្នាំ២០២០ ប៉ុន្តែរហូតមកដល់ពេលនេះ បានបញ្ចៀសការជាប់ពាក់ព័ន្ធ ដោយផ្ទាល់នៅក្នុងសង្គ្រាម របស់សម្ព័ន្ធមិត្តរបស់លោក ទោះបីជាបេឡារុស្ស ត្រូវបានប្រើប្រាស់ជាជំហរ សម្រាប់ការឈ្លានពានរបស់រុស្ស៊ីនៅអ៊ុយក្រែនក៏ដោយ ។
ប៉ុន្តែកាលពីថ្ងៃព្រហស្បតិ៍ លោក Lukashenko បានឲ្យដឹងនៅក្នុងសន្និសីទសារព័ត៌មានថា “ខ្ញុំត្រៀមខ្លួនជាស្រេច ដើម្បីប្រយុទ្ធរួមគ្នា ជាមួយជនជាតិ រុស្ស៊ីពីទឹកដី នៃប្រទេសបេឡារុស្សក្នុងកាលៈទេសៈមួយ ប្រសិនបើយ៉ាងហោចណាស់ មានទាហានម្នាក់ពីទីនោះមកទឹកដីបេឡារុស្ស ដើម្បីសម្លាប់ប្រជាជនរបស់ខ្ញុំ” ។
លោក Lukashenko ក៏បានឲ្យដឹងផងដែរថា “យើងដឹងថាអ្វីជាសង្រ្គាម ហើយយើងមិនចង់បានសង្រ្គាមនោះទេ” ហើយថារុស្ស៊ី គឺជា “សម្ព័ន្ធមិត្តរបស់យើង ស្របច្បាប់ សីលធម៌ និងនយោបាយ” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Newsweek។
អ្នកកាសែត Minsk និងអ្នកមិនមែនជាអ្នកស្រុកនៅក្រុមប្រឹក្សា Atlantic Council Think Tan គឺលោកស្រី Hanna Liubakova បានលើកឡើងថា វាមិនមែនជារឿងចៃដន្យនោះទេដែល លោក Lukashenko បានធ្វើអត្ថាធិប្បាយទៅកាន់អ្នកកាសែតបរទេសនៅទីក្រុង Minsk មុនពេលកិច្ចប្រជុំជាមួយលោក ពូទីន។
លោកស្រី បានប្រាប់ Newsweek សន្និសិទកាសែត គឺជា “ការប៉ុនប៉ងដើម្បីបញ្ជូនសញ្ញាមួយ ទៅកាន់លោកខាងលិចថា លោកមិនមានទំនាក់ទំនងជាមួយនឹង ការកើនឡើងណាមួយ នៅខាងមុខ និងការជាប់ពាក់ព័ន្ធបន្ថែមទៀត របស់ប្រទេសបេឡារុស្ស នៅក្នុងសង្គ្រាមនោះទេ” ៕
