ចិនបង្កើនការចំណាយ លើវិស័យការពារជាតិ និងអំពាវនាវឱ្យកងទ័ព បង្កើនការត្រៀមខ្លួនប្រយុទ្ធ

បរទេស ៖ ការចំណាយលើវិស័យការពារជាតិ របស់ប្រទេសចិននឹងកើនឡើង ៧,២ភាគរយ ដល់ ២៣០ ពាន់លានដុល្លារនៅឆ្នាំនេះ, នេះបើយោងតាមព័ត៌មាន ដែលមាននៅក្នុងថវិកាជាតិ របស់ទីក្រុងប៉េកាំង ដែលបានចេញផ្សាយកាលពីថ្ងៃអាទិត្យ។ នាយករដ្ឋមន្ត្រីចិន លោក Li Keqiang ក៏បានអំពាវនាវដល់កងកម្លាំង ប្រដាប់អាវុធរបស់ប្រទេសចិនឱ្យ “បង្កើនការត្រៀម ខ្លួនប្រយុទ្ធ” នៅពេលដែលពួកគេពង្រីក សមត្ថភាពយោធារបស់ពួកគេ ចំពេលមានភាពតានតឹង ជាមួយកោះតៃវ៉ាន់ ។

យោងតាមសារព័ត៌មាន RT ចេញផ្សាយនៅថ្ងៃទី៥ ខែមីនា ឆ្នាំ២០២៣ បានឱ្យដឹងថា ការបង្កើន ៧,២ភាគរយ គឺជាការកើនឡើងយ៉ាងខ្លាំង នៃការចំណាយលើវិស័យការពារជាតិ របស់ប្រទេសចិនចាប់តាំងពីឆ្នាំ ២០១៩ មក។ ការបង្កើននេះ គឺបន្ទាប់ពី ៦,៨ភាគរយ ក្នុងឆ្នាំ ២០២១ និង ៦,៦ភាគរយ ក្នុងឆ្នាំ ២០២០។ នៅឆ្នាំ ២០១៩ មហាអំណាចយោធាឈានមុខគេ របស់អាស៊ីនេះ បានត្រួតពិនិត្យការកើនឡើង ៧,៥ភាគរយ នៃថវិកាការពារជាតិ របស់ខ្លួនដល់ ១,១៩ ពាន់ពាន់លានយ័ន ដែលប្រហែល ១៧២ ពាន់លានដុល្លារ ។ ការដំឡើងចុងក្រោយបំផុត គឺជាការកើនឡើងប្រចាំឆ្នាំចំនួនប្រាំបីខ្ទង់ ជាប់គ្នានៅក្នុងថវិកាយោធា របស់ទីក្រុងប៉េកាំង។

ដោយសង្ខេបអំពីសម័យប្រជុំសភា ប្រចាំឆ្នាំជាមួយនឹងរបាយការណ៍ដែលរៀបចំដោយក្រសួង ហិរញ្ញវត្ថុ លោក Li បាននិយាយកាលពីថ្ងៃអាទិត្យថា ការដំឡើងការចំណាយ នឹងអនុញ្ញាតឱ្យយោធារបស់ប្រទេសចិន “មានការសម្របសម្រួលយ៉ាងល្អ ក្នុងការបំពេញភារកិច្ចសំខាន់ៗ” ៕