សេនហ្វ្រេនស៊ីស្កូ ៖ កាសែត Wall Street Journal បានរាយការណ៍ថា រដ្ឋាភិបាលសហរដ្ឋអាមេរិក បានប្រាប់ក្រុមហ៊ុនចិន ByteDance ដែលមានមូលដ្ឋាន នៅប្រទេសចិន ឲ្យលក់ភាគហ៊ុន របស់ខ្លួនក្នុងកម្មវិធី TikTok ជាកម្មវិធីរារាំង ឬប្រឈម នឹងការហាមឃាត់ថ្នាក់ជាតិ យោងតាមការចេញផ្សាយ ពីគេហទំព័រជប៉ុនធូដេ ។
មហាអំណាចលោកខាងលិច រួមទាំងសហភាពអឺរ៉ុប និងសហរដ្ឋអាមេរិក កំពុងចាត់វិធានការតឹងរ៉ឹងកាន់តែខ្លាំងឡើង ចំពោះកម្មវិធី ដោយលើកឡើង ពីការភ័យខ្លាចថា ទិន្នន័យអ្នកប្រើប្រាស់ អាចត្រូវបានប្រើប្រាស់ ឬបំពានដោយមន្ត្រីចិន។ ក្តីបារម្ភនៅទីនេះបានកើនឡើង កាលពីដើមឆ្នាំនេះ បន្ទាប់ពីបាឡុងចារកម្មចិន ត្រូវបានបាញ់ទម្លាក់ក្នុង ដែនអាកាសសហរដ្ឋអាមេរិក ។
ទីប្រឹក្សាសន្តិសុខជាតិអាមេរិក Jake Sullivan បាននិយាយក្នុងសេចក្តីថ្លែង ការណ៍មួយថា សេតវិមានកាលពីសប្តាហ៍មុន បានស្វាគមន៍ ចំពោះច្បាប់នឹងអនុញ្ញាត ឲ្យលោកប្រធានាធិបតី Joe Biden ហាមឃាត់ TikTok ។ Sullivan បាននិយាយថា ច្បាប់នឹងផ្តល់សិទ្ធិអំណាច ដល់រដ្ឋាភិបាលសហរដ្ឋអាមេរិក ក្នុងការរារាំងរដ្ឋាភិបាល បរទេសមួយចំនួន ពីការកេងប្រវ័ញ្ចសេវាកម្មបច្ចេកវិទ្យា ក្នុងវិធីមួយបង្កហានិភ័យ ដល់ទិន្នន័យរសើប របស់ជនជាតិអាមេរិក និងសន្តិសុខជាតិ របស់យើង។
សេចក្តីព្រាងច្បាប់ព្រឹទ្ធសភា និងការគាំទ្រពីសេតវិមានបានបង្កើនល្បឿន នៃសន្ទុះនយោបាយប្រឆាំងនឹង TikTok ជាគោលដៅនៃច្បាប់ ដាច់ដោយឡែកមួយ ក្នុងសភាតំណាងសហរដ្ឋអាមេរិក។ ការលេចឡើង ដ៏តឹងតែងនៅលើប្រទេសចិន គឺជាបញ្ហាដ៏កម្រមួយ មានសក្តានុពលសម្រាប់ ការគាំទ្រទ្វេភាគីទាំងនៅក្នុងសភាដែលគ្រប់គ្រងដោយសាធារណរដ្ឋ និងព្រឹទ្ធសភា ដែលគណបក្សប្រជាធិបតេយ្យរបស់លោក Biden កាន់កាប់ភាគច្រើន ។
TikTok អះអាងថា វាមានអ្នកប្រើប្រាស់ជាងមួយពាន់លាននាក់ នៅទូទាំងពិភពលោក រួមទាំងជាង១០០លាននាក់ នៅអាមេរិកដែលវាបានក្លាយ ជាកម្លាំងវប្បធម៌ ជាពិសេសសម្រាប់យុវវ័យ។ ក្រុមសកម្មជនអះអាងថា ការហាមប្រាមនឹងក្លាយជាការ វាយប្រហារលើការបញ្ចេញ មតិដោយសេរី និងរារាំងការនាំចេញវប្បធម៌ និងតម្លៃរបស់អាមេរិកទៅកាន់អ្នកប្រើប្រាស់ TikTok ជុំវិញពិភពលោក ៕
